(វ៉ាស៊ីនតោន)៖ ប្រធានាធិបតីអាម៉េរិក បារ៉ាក់ អូបាម៉ា បានទូរស័ព្ទដោយផ្ទាល់ ទៅកាន់ប្រធាន ក្រុម​ជម្រើស​ជាតិ Clint Dempsey និងអ្នកចាំទី Tim Howard ដើម្បីជាការលើកទឹកចិត្ត ចំពោះក្រុម ជម្រើស​ជាតិអាម៉េរិក បើទោះជាពួកគេ បានចាញ់ប៊ែលហ្ស៊ិក ២-១ នៅវគ្គ១៦ក្រុមចុងក្រោយ នៃព្រឹត្តិការណ៍ World Cup ក៏ដោយ ។

យោងតាមវីដេអូនៅលើ Youtube លោក បារ៉ាក់ អូបាម៉ា បាននិយាយតាមទូរស័ព្ទ ចេញពីសេតវិមាន ទៅ​កាន់​កីឡាករទាំងពីររូប ដោយនិយាយថា៖ «ខ្ញុំគ្រាន់តែចង់ទូរស័ព្ទ ដើម្បីប្រាប់អ្នកថា អ្នកទាំងអស់គ្នា ពិត​ជាធ្វើ​ឲ្យ​យើង​មាន មោទនភាពណាស់» ។