រាជធានីភ្នំពេញ ៖ នៅរសៀលម៉ោង៤ ថ្ងៃទី១១ កក្កដា នគរបាលនៃស្នងការដ្ឋានរាជធានីភ្នំពេញ បាននាំខ្លួនឃាតករដែលបាញ់សម្លាប់លោកបណ្ឌិត កែម ឡី មកឱ្យអយ្យការអមសាលាដំបូងរាជធានី ដើម្បីសាកសួរតាមនីតិវិធីបន្ទាប់ពីការចាប់ខ្លួនកាលថ្ងៃទី១០ កក្កដា ។ ការសាកសួរនោះមានតែរយៈពេលប្រមាណ១ម៉ោងប៉ុណ្ណោះ ក៏ត្រូវបាននាំខ្លួនតាមរថយន្តប៉ូលិសទៅកាន់ស្នងការដ្ឋានវិញ ហើយនៅថ្ងៃនេះ (១២ កក្កដា) អាចនឹងនាំខ្លួនមកសាកសួរបន្តទៀត ។
សន្តិសុខតាមផ្លូវត្រូវបានរឹតបន្តឹង នៅពេលបញ្ជូនជនសង្ស័យចេញពីស្នងការដ្ឋាននគរបាលរាជធានីភ្នំពេញ រហូតចូលក្នុងបរិវេណសាលាដំបូង ។ ជនសង្ស័យជាឃាតករដៃដល់ត្រូវបានគេដាក់ក្នុងរថយន្តរបស់នគរបាល អមដោយក្រុមម៉ូតូធំៗរបស់សមត្ថកិច្ចតាមពីក្រោយ ។ ដោយឡែក ក្រុមអ្នកសារព័ត៌មានត្រូវបាននគរបាលច្រានទ្រូងឱ្យចេញពីបរិវេណតុលាការមកក្រៅរបងទាំងអស់ ។
ក្នុងពេលបញ្ជូនមកដល់តុលាការក្រុមអ្នកសារព័ត៌មានមិនបានឃើញមុខជនសង្ស័យឡើយ មិនត្រឹមតែមិនបានថតផ្តិតរូបភាពទេ ត្រូវបានកងនគរបាលច្រានចេញឆ្ងាយពីរបងតុលាការទៀត ។ មុននាំខ្លួនជនសង្ស័យដែលមានឈ្មោះមិនប្រាកដនិងមានរហស្សនាមថា «ជួបសម្លាប់» នេះមកដល់តុលាការ នគរបាលបានចំណាយពេល១ថ្ងៃនិង១យប់ដើម្បីសាកសួរបង្គ្រប់សំណុំរឿងរបស់ខ្លួន ។
គួរកត់សម្គាល់ថា កាលពីរសៀលថ្ងៃទី១០ កក្កដា លោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ បានធ្វើសន្និសីទកាសែតបង្ហាញមុខខ្មាន់កាំភ្លើងបាញ់សម្លាប់លោកបណ្ឌិត កែម ឡី ក្នុងថ្ងៃដដែលនោះ ។ នៅក្នុងសន្និសីទកាសែតនេះមានរយៈពេលខ្លីជិត(១០នាទី) ក្នុងនោះលោកស្នងការបានលើកឡើងថា ការស្លាប់របស់លោកបណ្ឌិត កែម ឡី គឺជាការសោកស្តាយយ៉ាងខ្លាំង ហើយខ្ញុំក៏បានចូលរួមរំលែកទុក្ខជាមួយភរិយាសព និងកូនទាំង៤នាក់របស់គាត់។ លោកថ្លែងថា ប្រពន្ធលោកបណ្ឌិត កែម ឡី ពេលនេះកំពុងពរពោះទៀតផង ។
លោកនាយឧត្តមសេនីយ៍ ជួន សុវណ្ណ បានអះអាងថា លោកបណ្ឌិត កែម ឡី ត្រូវឃាតករបាញ់ត្រូវចំនួន២គ្រាប់ក្នុងនោះគ្រាប់ទី១ ត្រូវក្បាលបៀមគ្រាប់ និងគ្រាប់ទី២ គឺត្រូវដើមដៃធ្លាយដល់ដោះ ។ ជនសង្ស័យនេះ គឺជាឃាតករយ៉ាងពិតប្រាកដ ដែលជាអ្នកបាញ់សម្លាប់បណ្ឌិត កែម ឡី ។
លោកស្នងការបញ្ជាក់ថា សមត្ថកិច្ចនៅបន្តស៊ើបអង្កេតស្រាវជ្រាវរកអ្នកនៅពីក្រោយ និងអ្នកសមគំនិតក្នុងការបាញ់សម្លាប់លោកបណ្ឌិត កែម ឡី ។ លោកអះអាងថា យើងមានតម្រុយជាច្រើនក្នុងការស៊ើបអង្កេតករណីនេះ ។
លោកឧត្តមសេនីយ៍បានបញ្ជាក់ទៀតថា សម្រាប់ឈ្មោះជនសង្ស័យថា «ជួបសម្លាប់» នោះគឺសមត្ថកិច្ចមិនទាន់ជឿទេ ហើយកំពុងស្រាវជ្រាវបន្តទៀត ឃាតករបាញ់សម្លាប់លោកបណ្ឌិត កែម ឡី នឹងត្រូវបញ្ជូនទៅតុលាការ ។
ជនសង្ស័យរូបនេះបានសារភាពថា ខ្លួនជាខ្មាន់កាំភ្លើងបាញ់សម្លាប់លោកបណ្ឌិត កែម ឡីប្រធានអង្គការអ្នកស្រាវជ្រាវអភិវឌ្ឍន៍សង្គម និងជាអ្នកវិភាគនយោបាយ ត្រូវបានសមត្ថកិច្ចនៃស្នងការដ្ឋាននគរបាលរាជធានីភ្នំពេញ បញ្ជូនមកដល់អយ្យការអមសាលាដំបូងរាជធានីភ្នំពេញ នៅវេលាម៉ោង១៦ ថ្ងៃទី១១ ខែកក្កដា ឆ្នាំ២០១៦ នេះ ដើម្បីចាត់ការតាមច្បាប់ ។
នគរបាលបានបញ្ជាក់ថា ជនសង្ស័យត្រូវបានចោទប្រកាន់ពីបទឃាតកម្មគិតទុកជាមុន តាមមាត្រា២០០ នៃក្រមព្រហ្មទណ្ឌ ដែលអាចប្រឈមមុខនឹងការជាប់ពន្ធនាគារអស់មួយជីវិត ព្រោះករណីនេះជាការរៀបចំទុកជាមុន ។ ទោះបីយ៉ាងណា ការសម្រេចចោទប្រកាន់ផ្លូវការគឺ ជាសមត្ថកិច្ចរបស់តុលាការ ។
ក្រោយការចាប់ខ្លួន នៅប៉ុន្មាននាទីក្រោយធ្វើសកម្មភាពបាញ់សម្លាប់លោកបណ្ឌិត កែម ឡី អ្នកវិភាគសង្គម និងនយោបាយ នៅក្នុងស្តារម៉ាតនៃស្ថានីយប្រេងឥន្ឋនៈកាល់តិច កាលពីវេលាម៉ោងជិត០៩ព្រឹកថ្ងៃ១០ កក្កដា រួចមក ជនសង្ស័យបានសារភាពថា ខ្លួនឈ្មោះ ទិត្យ សំអុល មានរហស្សនាម «ជួប សម្លាប់» ។
នៅលើបណ្តាញទំនាក់ទំនងសង្គម (Facebook) នៅព្រឹកថ្ងៃទី១១ កក្កដាជនសង្ស័យនេះត្រូវបានបង្ហាញក្នុងឯកសណ្ឋានជាមន្ត្រីបរិស្ថាន និងរូបថត១ទៀតបួសជាសង្ឃ មានឈ្មោះ អឿត អាង អាយុ៤៤ឆ្នាំ និងមានទីលំនៅភូមិទន្លេសរ ឃុំនគរភាស ស្រុកអង្គរជុំ ខេត្តសៀមរាប មានឪពុកឈ្មោះ អឿត ម្ដាយឈ្មោះ ឯម តាប់ អាយុ៦៤ ឆ្នាំ ។
ប្រភពពី Facebook ដដែល ជនសង្ស័យរូបនេះមានប្រពន្ធ ០២នាក់ និងមានកូនស្រី ម្នាក់ដោយប្រពន្ធទី០១ ឈ្មោះ យ៉ាង យឿង (បានលែងលះគ្នាហើយ) ។ ប្រពន្ធទី០២ ឈ្មោះ ហឿម ហ៊ត់ រស់នៅក្នុងភូមិ ឃុំជាមួយជនសង្ស័យ និងមានមុខរបរលក់គ្រឿងទេស និងសាច់ជ្រូក ។ បើតាមបណ្តាញទំនាក់ទំនងសង្គមថា ជនសង្ស័យឈ្មោះ អឿត អាង ធ្លាប់បានបួសជាសង្ឃក្នុងឆ្នាំ២០១៣ នៅវត្តប្រាសាទធ្នង់ ស្ថិតក្នុងឃុំតាសោម ស្រុកអង្គរជុំ ខេត្តសៀមរាប។ នៅឆ្នាំ២០១៥ ជនសង្ស័យបានសឹកពីភិក្ខុសង្ឃ នៅពេលមានជម្លោះនៅក្នុងវត្តពើងតានន់ នៅឃុំគោកដូង ស្រុកអង្គរជុំ ខេត្តសៀមរាប ។ ក្រោយពីសឹកជននេះបានចូលបម្រើការងារជាមន្ត្រីបរិស្ថាន និងបានត្រូវគេបញ្ជូនឲ្យទៅឈរជើងនៅស្រុកអង្គរជុំ ខេត្តសៀមរាប ។
មិនមានប្រភពច្បាស់ការមួយត្រូវបានទំលាយឱ្យដឹងនោះទេ ថាការស្លៀកពាក់ឯកសណ្ឋានជាមន្ត្រីបរិស្ថានជាការក្លែងបន្លំ ឬបែបណាទេ ។ ជាការកត់សម្គាល់ក្នុងរយៈពេលជាង២៤ម៉ោង នេះក្រោយការចាប់ខ្លួនឃើញថា ជននេះបាននិយាយខុសគ្រប់ដំណាក់កាលទាំងអស់ ។ ដំបូងបាននិយាយថា ខ្លួនឈ្មោះ ជួប សម្លាប់ និងក្រោយមកប្រាប់ថាឈ្មោះ ទិត្យ សំអុល អាយុ៣៨ឆ្នាំ មានស្រុកកំណើតនៅស្រុកស្វាយចេក ខេត្តបន្ទាយមានជ័យ ហើយបានទៅរស់នៅប្រកបរបរជាជាងលាបថ្នាំរថយន្ត និងក្រោយមកជាកម្មករចម្ការដំណាំនៅខេត្តស្រះកែវ ប្រទេសថៃ ។
ជុំវិញការបាញ់សម្លាប់លោកបណ្ឌិត កែម ឡី ត្រូវបានជននេះឆ្លើយថា ជំពាក់លុយ៣ពាន់ដុល្លារ មិនសង ប៉ុន្តែចម្លើយនេះត្រូវបានសាធារណៈជនទូទៅបានច្រានចោល ដោយសារតែធ្វើកម្មករមានលុយរាប់ពាន់ដុល្លារឯណាឱ្យគេខ្ចីនោះ ។
មហាជនកំពុងតាមដានយ៉ាងយកចិត្តទុកដាក់បំផុតជុំវិញរឿងឃាតកម្មលើបណ្ឌិត កែម ឡី នេះ ។ តាំងពីថ្ងៃទី១០ កក្កដា រហូតមកដល់ថ្ងៃទី១១ កក្កដានេះ អ្វីដែលឃាតករបានសារភាព គឺស្ថិតក្នុងភាពអាថ៌កំបាំងទាំងអស់ ។
១-ការប្រើឈ្មោះក្លែងក្លាយ
២-ការប្រឌិតសាច់រឿងថា បណ្ឌិត កែម ឡី ជំពាក់ប្រាក់៣០០០ដុល្លារ ។
៣-ការសារភាពថា ខ្លួនគេជាជាងបាញ់ថ្នាំឡាន ។
៤-ឃាតករមានប្រាក់់ទិញអាវុធដ៏មានតម្លៃដើម្បីធ្វើសកម្មភាពបាញ់ប្រហារនេះ ។
លោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានី បានមានប្រសាសន៍ក្នុងសន្និសីទកាសែតនាពេលរសៀលថ្ងៃទី១០ កក្កដាថា ឈ្មោះ ជួប សម្លាប់នេះ យើងមិនជឿទេ ។ តាំងពីណាពីណីមក មិនដែលមានអ្នកណាដាក់ឈ្មោះ សម្លាប់ ឱ្យកូនទេ ។
លោកលើកឡើងទៀតថា ខ្មាន់កាំភ្លើងបានបាញ់លោកបណ្ឌិត កែម ឡី ក្នុងចម្ងាយពីគ្នា ប្រហែល២ជំហាន គឺបាញ់ពីក្រោយខ្នងចំបោះដៃផុត និង១គ្រាប់ទៀតបាញ់ក្បាល ។ ការស៊ើបអង្កេតនឹងថ្កោលទោសលើចំណុចថា តើមានអ្នកបញ្ជានៅពីក្រោយឃាកម្មនេះ ឬក៏អត់ ?
លោកគូសបញ្ជាក់ថា ភស្តុតាងដែលយើងដកហូតបានពីជនល្មើសបង្ហាញយ៉ាងច្បាស់ថា ជនល្មើស គឺជាឃាតករដែលបានបាញ់សម្លាប់លោកបណ្ឌិត កែម ឡី ។
វីដេអូឃ្លីបរយៈពេល៣៥វិនាទីបង្ហាញពីការសារភាពរបស់ជនសង្ស័យដែលប្រឡាក់សុទ្ធតែឈាមលើផ្ទៃមុខផ្នែកខាងឆ្វេង និងដើមទ្រូង ត្រូវបានបង្ហោះលើគេហទំព័រនៅពេលរសៀល ។ ជននេះអះអាងថា ខ្លួនបានទិញកាំភ្លើងខ្លីមួយដើម នៅក្នុងប្រទេសថៃ ដើម្បីសម្លាប់លោក កែម ឡី រឿងជំពាក់លុយជាង១ឆ្នាំមិនព្រមសង ។
នៅពេលសួរចម្លើយថា តើខ្លួនស្គាល់លោក កែម ឡី តាមវិធីណា ជននេះឆ្លើយថា «យើងធ្លាប់ស្គាល់ជួបគ្នា» ។ ជននេះបាននិយាយអំពីប្រាក់៣.០០០ដុល្លារ ដែលខ្លួនអះអាងថា បានឱ្យទៅលោក កែម ឡី ខ្ចីថា «គាត់ខ្ចីយកជួយប្រជាជន» ។
លោក មឿន តុលា ដែលជាមិត្តជិតស្និតរបស់លោកបណ្ឌិត កែម ឡី និងដែលរូបលោកផ្ទាល់ ជាអ្នករិះគន់មិនសំចៃមាត់ ក្នុងឋានៈជាប្រធានមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា (Central) ត្រូវបានដកស្រង់ប្រសាសន៍ដោយវិទ្យុផ្សាយជាខេមរភាសាថា អ្នកដែលមានផែនការធ្វើឃាតលោក កែម ឡី ប្រាកដជាដឹងពីកន្លែងលោក ។
លោកគូសបញ្ជាក់ថា «គាត់មកទីនេះរាល់ថ្ងៃ ដើម្បីពិសាកាហ្វេ និងជួបជុំគ្នា លើកលែងតែគាត់មានបេសកកម្មចុះទៅតាមខេត្ត» ហើយលោកបានច្រានចោលការសារភាពថា មិត្តរបស់លោកត្រូវបានបាញ់សម្លាប់ទាំងកណ្ដាលថ្ងៃ ដោយសារជំពាក់លុយគេមិនព្រមសង ៕
សន្តិសុខតាមផ្លូវត្រូវបានរឹតបន្តឹង នៅពេលបញ្ជូនជនសង្ស័យចេញពីស្នងការដ្ឋាននគរបាលរាជធានីភ្នំពេញ រហូតចូលក្នុងបរិវេណសាលាដំបូង ។ ជនសង្ស័យជាឃាតករដៃដល់ត្រូវបានគេដាក់ក្នុងរថយន្តរបស់នគរបាល អមដោយក្រុមម៉ូតូធំៗរបស់សមត្ថកិច្ចតាមពីក្រោយ ។ ដោយឡែក ក្រុមអ្នកសារព័ត៌មានត្រូវបាននគរបាលច្រានទ្រូងឱ្យចេញពីបរិវេណតុលាការមកក្រៅរបងទាំងអស់ ។
ក្នុងពេលបញ្ជូនមកដល់តុលាការក្រុមអ្នកសារព័ត៌មានមិនបានឃើញមុខជនសង្ស័យឡើយ មិនត្រឹមតែមិនបានថតផ្តិតរូបភាពទេ ត្រូវបានកងនគរបាលច្រានចេញឆ្ងាយពីរបងតុលាការទៀត ។ មុននាំខ្លួនជនសង្ស័យដែលមានឈ្មោះមិនប្រាកដនិងមានរហស្សនាមថា «ជួបសម្លាប់» នេះមកដល់តុលាការ នគរបាលបានចំណាយពេល១ថ្ងៃនិង១យប់ដើម្បីសាកសួរបង្គ្រប់សំណុំរឿងរបស់ខ្លួន ។
គួរកត់សម្គាល់ថា កាលពីរសៀលថ្ងៃទី១០ កក្កដា លោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ បានធ្វើសន្និសីទកាសែតបង្ហាញមុខខ្មាន់កាំភ្លើងបាញ់សម្លាប់លោកបណ្ឌិត កែម ឡី ក្នុងថ្ងៃដដែលនោះ ។ នៅក្នុងសន្និសីទកាសែតនេះមានរយៈពេលខ្លីជិត(១០នាទី) ក្នុងនោះលោកស្នងការបានលើកឡើងថា ការស្លាប់របស់លោកបណ្ឌិត កែម ឡី គឺជាការសោកស្តាយយ៉ាងខ្លាំង ហើយខ្ញុំក៏បានចូលរួមរំលែកទុក្ខជាមួយភរិយាសព និងកូនទាំង៤នាក់របស់គាត់។ លោកថ្លែងថា ប្រពន្ធលោកបណ្ឌិត កែម ឡី ពេលនេះកំពុងពរពោះទៀតផង ។
លោកនាយឧត្តមសេនីយ៍ ជួន សុវណ្ណ បានអះអាងថា លោកបណ្ឌិត កែម ឡី ត្រូវឃាតករបាញ់ត្រូវចំនួន២គ្រាប់ក្នុងនោះគ្រាប់ទី១ ត្រូវក្បាលបៀមគ្រាប់ និងគ្រាប់ទី២ គឺត្រូវដើមដៃធ្លាយដល់ដោះ ។ ជនសង្ស័យនេះ គឺជាឃាតករយ៉ាងពិតប្រាកដ ដែលជាអ្នកបាញ់សម្លាប់បណ្ឌិត កែម ឡី ។
លោកស្នងការបញ្ជាក់ថា សមត្ថកិច្ចនៅបន្តស៊ើបអង្កេតស្រាវជ្រាវរកអ្នកនៅពីក្រោយ និងអ្នកសមគំនិតក្នុងការបាញ់សម្លាប់លោកបណ្ឌិត កែម ឡី ។ លោកអះអាងថា យើងមានតម្រុយជាច្រើនក្នុងការស៊ើបអង្កេតករណីនេះ ។
លោកឧត្តមសេនីយ៍បានបញ្ជាក់ទៀតថា សម្រាប់ឈ្មោះជនសង្ស័យថា «ជួបសម្លាប់» នោះគឺសមត្ថកិច្ចមិនទាន់ជឿទេ ហើយកំពុងស្រាវជ្រាវបន្តទៀត ឃាតករបាញ់សម្លាប់លោកបណ្ឌិត កែម ឡី នឹងត្រូវបញ្ជូនទៅតុលាការ ។
ជនសង្ស័យរូបនេះបានសារភាពថា ខ្លួនជាខ្មាន់កាំភ្លើងបាញ់សម្លាប់លោកបណ្ឌិត កែម ឡីប្រធានអង្គការអ្នកស្រាវជ្រាវអភិវឌ្ឍន៍សង្គម និងជាអ្នកវិភាគនយោបាយ ត្រូវបានសមត្ថកិច្ចនៃស្នងការដ្ឋាននគរបាលរាជធានីភ្នំពេញ បញ្ជូនមកដល់អយ្យការអមសាលាដំបូងរាជធានីភ្នំពេញ នៅវេលាម៉ោង១៦ ថ្ងៃទី១១ ខែកក្កដា ឆ្នាំ២០១៦ នេះ ដើម្បីចាត់ការតាមច្បាប់ ។
នគរបាលបានបញ្ជាក់ថា ជនសង្ស័យត្រូវបានចោទប្រកាន់ពីបទឃាតកម្មគិតទុកជាមុន តាមមាត្រា២០០ នៃក្រមព្រហ្មទណ្ឌ ដែលអាចប្រឈមមុខនឹងការជាប់ពន្ធនាគារអស់មួយជីវិត ព្រោះករណីនេះជាការរៀបចំទុកជាមុន ។ ទោះបីយ៉ាងណា ការសម្រេចចោទប្រកាន់ផ្លូវការគឺ ជាសមត្ថកិច្ចរបស់តុលាការ ។
ក្រោយការចាប់ខ្លួន នៅប៉ុន្មាននាទីក្រោយធ្វើសកម្មភាពបាញ់សម្លាប់លោកបណ្ឌិត កែម ឡី អ្នកវិភាគសង្គម និងនយោបាយ នៅក្នុងស្តារម៉ាតនៃស្ថានីយប្រេងឥន្ឋនៈកាល់តិច កាលពីវេលាម៉ោងជិត០៩ព្រឹកថ្ងៃ១០ កក្កដា រួចមក ជនសង្ស័យបានសារភាពថា ខ្លួនឈ្មោះ ទិត្យ សំអុល មានរហស្សនាម «ជួប សម្លាប់» ។
នៅលើបណ្តាញទំនាក់ទំនងសង្គម (Facebook) នៅព្រឹកថ្ងៃទី១១ កក្កដាជនសង្ស័យនេះត្រូវបានបង្ហាញក្នុងឯកសណ្ឋានជាមន្ត្រីបរិស្ថាន និងរូបថត១ទៀតបួសជាសង្ឃ មានឈ្មោះ អឿត អាង អាយុ៤៤ឆ្នាំ និងមានទីលំនៅភូមិទន្លេសរ ឃុំនគរភាស ស្រុកអង្គរជុំ ខេត្តសៀមរាប មានឪពុកឈ្មោះ អឿត ម្ដាយឈ្មោះ ឯម តាប់ អាយុ៦៤ ឆ្នាំ ។
ប្រភពពី Facebook ដដែល ជនសង្ស័យរូបនេះមានប្រពន្ធ ០២នាក់ និងមានកូនស្រី ម្នាក់ដោយប្រពន្ធទី០១ ឈ្មោះ យ៉ាង យឿង (បានលែងលះគ្នាហើយ) ។ ប្រពន្ធទី០២ ឈ្មោះ ហឿម ហ៊ត់ រស់នៅក្នុងភូមិ ឃុំជាមួយជនសង្ស័យ និងមានមុខរបរលក់គ្រឿងទេស និងសាច់ជ្រូក ។ បើតាមបណ្តាញទំនាក់ទំនងសង្គមថា ជនសង្ស័យឈ្មោះ អឿត អាង ធ្លាប់បានបួសជាសង្ឃក្នុងឆ្នាំ២០១៣ នៅវត្តប្រាសាទធ្នង់ ស្ថិតក្នុងឃុំតាសោម ស្រុកអង្គរជុំ ខេត្តសៀមរាប។ នៅឆ្នាំ២០១៥ ជនសង្ស័យបានសឹកពីភិក្ខុសង្ឃ នៅពេលមានជម្លោះនៅក្នុងវត្តពើងតានន់ នៅឃុំគោកដូង ស្រុកអង្គរជុំ ខេត្តសៀមរាប ។ ក្រោយពីសឹកជននេះបានចូលបម្រើការងារជាមន្ត្រីបរិស្ថាន និងបានត្រូវគេបញ្ជូនឲ្យទៅឈរជើងនៅស្រុកអង្គរជុំ ខេត្តសៀមរាប ។
មិនមានប្រភពច្បាស់ការមួយត្រូវបានទំលាយឱ្យដឹងនោះទេ ថាការស្លៀកពាក់ឯកសណ្ឋានជាមន្ត្រីបរិស្ថានជាការក្លែងបន្លំ ឬបែបណាទេ ។ ជាការកត់សម្គាល់ក្នុងរយៈពេលជាង២៤ម៉ោង នេះក្រោយការចាប់ខ្លួនឃើញថា ជននេះបាននិយាយខុសគ្រប់ដំណាក់កាលទាំងអស់ ។ ដំបូងបាននិយាយថា ខ្លួនឈ្មោះ ជួប សម្លាប់ និងក្រោយមកប្រាប់ថាឈ្មោះ ទិត្យ សំអុល អាយុ៣៨ឆ្នាំ មានស្រុកកំណើតនៅស្រុកស្វាយចេក ខេត្តបន្ទាយមានជ័យ ហើយបានទៅរស់នៅប្រកបរបរជាជាងលាបថ្នាំរថយន្ត និងក្រោយមកជាកម្មករចម្ការដំណាំនៅខេត្តស្រះកែវ ប្រទេសថៃ ។
ជុំវិញការបាញ់សម្លាប់លោកបណ្ឌិត កែម ឡី ត្រូវបានជននេះឆ្លើយថា ជំពាក់លុយ៣ពាន់ដុល្លារ មិនសង ប៉ុន្តែចម្លើយនេះត្រូវបានសាធារណៈជនទូទៅបានច្រានចោល ដោយសារតែធ្វើកម្មករមានលុយរាប់ពាន់ដុល្លារឯណាឱ្យគេខ្ចីនោះ ។
មហាជនកំពុងតាមដានយ៉ាងយកចិត្តទុកដាក់បំផុតជុំវិញរឿងឃាតកម្មលើបណ្ឌិត កែម ឡី នេះ ។ តាំងពីថ្ងៃទី១០ កក្កដា រហូតមកដល់ថ្ងៃទី១១ កក្កដានេះ អ្វីដែលឃាតករបានសារភាព គឺស្ថិតក្នុងភាពអាថ៌កំបាំងទាំងអស់ ។
១-ការប្រើឈ្មោះក្លែងក្លាយ
២-ការប្រឌិតសាច់រឿងថា បណ្ឌិត កែម ឡី ជំពាក់ប្រាក់៣០០០ដុល្លារ ។
៣-ការសារភាពថា ខ្លួនគេជាជាងបាញ់ថ្នាំឡាន ។
៤-ឃាតករមានប្រាក់់ទិញអាវុធដ៏មានតម្លៃដើម្បីធ្វើសកម្មភាពបាញ់ប្រហារនេះ ។
លោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានី បានមានប្រសាសន៍ក្នុងសន្និសីទកាសែតនាពេលរសៀលថ្ងៃទី១០ កក្កដាថា ឈ្មោះ ជួប សម្លាប់នេះ យើងមិនជឿទេ ។ តាំងពីណាពីណីមក មិនដែលមានអ្នកណាដាក់ឈ្មោះ សម្លាប់ ឱ្យកូនទេ ។
លោកលើកឡើងទៀតថា ខ្មាន់កាំភ្លើងបានបាញ់លោកបណ្ឌិត កែម ឡី ក្នុងចម្ងាយពីគ្នា ប្រហែល២ជំហាន គឺបាញ់ពីក្រោយខ្នងចំបោះដៃផុត និង១គ្រាប់ទៀតបាញ់ក្បាល ។ ការស៊ើបអង្កេតនឹងថ្កោលទោសលើចំណុចថា តើមានអ្នកបញ្ជានៅពីក្រោយឃាកម្មនេះ ឬក៏អត់ ?
លោកគូសបញ្ជាក់ថា ភស្តុតាងដែលយើងដកហូតបានពីជនល្មើសបង្ហាញយ៉ាងច្បាស់ថា ជនល្មើស គឺជាឃាតករដែលបានបាញ់សម្លាប់លោកបណ្ឌិត កែម ឡី ។
វីដេអូឃ្លីបរយៈពេល៣៥វិនាទីបង្ហាញពីការសារភាពរបស់ជនសង្ស័យដែលប្រឡាក់សុទ្ធតែឈាមលើផ្ទៃមុខផ្នែកខាងឆ្វេង និងដើមទ្រូង ត្រូវបានបង្ហោះលើគេហទំព័រនៅពេលរសៀល ។ ជននេះអះអាងថា ខ្លួនបានទិញកាំភ្លើងខ្លីមួយដើម នៅក្នុងប្រទេសថៃ ដើម្បីសម្លាប់លោក កែម ឡី រឿងជំពាក់លុយជាង១ឆ្នាំមិនព្រមសង ។
នៅពេលសួរចម្លើយថា តើខ្លួនស្គាល់លោក កែម ឡី តាមវិធីណា ជននេះឆ្លើយថា «យើងធ្លាប់ស្គាល់ជួបគ្នា» ។ ជននេះបាននិយាយអំពីប្រាក់៣.០០០ដុល្លារ ដែលខ្លួនអះអាងថា បានឱ្យទៅលោក កែម ឡី ខ្ចីថា «គាត់ខ្ចីយកជួយប្រជាជន» ។
លោក មឿន តុលា ដែលជាមិត្តជិតស្និតរបស់លោកបណ្ឌិត កែម ឡី និងដែលរូបលោកផ្ទាល់ ជាអ្នករិះគន់មិនសំចៃមាត់ ក្នុងឋានៈជាប្រធានមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា (Central) ត្រូវបានដកស្រង់ប្រសាសន៍ដោយវិទ្យុផ្សាយជាខេមរភាសាថា អ្នកដែលមានផែនការធ្វើឃាតលោក កែម ឡី ប្រាកដជាដឹងពីកន្លែងលោក ។
លោកគូសបញ្ជាក់ថា «គាត់មកទីនេះរាល់ថ្ងៃ ដើម្បីពិសាកាហ្វេ និងជួបជុំគ្នា លើកលែងតែគាត់មានបេសកកម្មចុះទៅតាមខេត្ត» ហើយលោកបានច្រានចោលការសារភាពថា មិត្តរបស់លោកត្រូវបានបាញ់សម្លាប់ទាំងកណ្ដាលថ្ងៃ ដោយសារជំពាក់លុយគេមិនព្រមសង ៕
(all readers's comments can help improve the information, as well as better social)
