ក្រុមអ្នកឃើញហេតុការណ៍បាននាំគ្នាទៅធ្វើសាក្សីឲ្យមន្ត្រីគណបក្សសង្គ្រោះជាតិនៅក្រុងប៉ោយប៉ែត ខេត្តបន្ទាយមានជ័យ បន្ទាប់ពីត្រូវសមត្ថកិច្ចចាប់ឃុំខ្លួនក្រោយពីមានបញ្ហាជាមួយមន្ត្រីនគរបាលច្រកព្រំដែន។
មន្ត្រីគណបក្សសង្គ្រោះជាតិប្រចាំខេត្តបន្ទាយមានជ័យ លោក ម៉ង់ ពុទ្ធី ត្រូវបានសមត្ថកិច្ចចាប់ខ្លួនកាលពីម្សិលមិញ ខណៈនគរបាលព្រំដែនម្នាក់ដួលនៅមុខរថយន្តរបស់មន្ត្រីបក្សប្រឆាំងរូបនោះ។
បើតាមពលរដ្ឋម្នាក់គឺ លោក ហឹន សេងអឿន ដែលអះអាងបានឃើញហេតុការណ៍នេះបានឲ្យដឹងថា នៅថ្ងៃនេះមន្ត្រីសិទ្ធិមនុស្សនិងពលរដ្ឋបាននាំគ្នាទៅធ្វើសាក្សីនិងទាមទារឲ្យដោះលែង លោក ម៉ង់ ពុទ្ធី វិញដោយថាគាត់មិនបានបើកឡានប៉ះប៉ូលីសរូបនោះឡើយ ប៉ុន្តែពួកគេថាប៉ូលីសរូបនោះបានផ្តួលខ្លួនឯងនៅពីមុខឡានរបស់លោក ម៉ង់ ពុទ្ធី។
លោកថា៖ «អាកូនចៅអត់ហ៊ានឃាត់មេហ្នឹង ប្រើឲ្យទៅឃាត់ម្នាក់ដែលនេះហ្នឹងក៏គាត់អាយែឡានខ្លួនឯង (ថយឡាន) អាយែៗទៅឡានហឹ្នងក៏អាយែទៅថៃ តែប៉ូលីសនេះមិនឲ្យទៅចឹងឲ្យឡាននេះអាយែមកខាងខែ្មរវិញ ចឹងឡានហ្នឹងមានអាទេះដឹកអីវ៉ានដែលចេញពីថៃមកវិញ។ ចឹងក៏បានអាយែ រួចហើយប៉ូលីសក៏គោះឡានហ្នឹងឲ្យឈប់ ឡានហ្នឹងក៏ឈប់ងក់ គាត់អាយែថយក្រោយហើយប៉ូលីសក៏គាត់ដើរមកពីមុខឡានបន្តិច គាត់ធើ្វបង្កាច់ដួល។ តាមការពិតឡានហ្នឹងអត់មានប៉ះប៉ូលីសហ្នឹងទេ។ ខ្ញុំជាប្រជាពលរដ្ឋ ខ្ញុំឃើញជាក់សែ្ដងផ្ទាល់ម៉ង់មិនមែនតែខ្ញុំទេ ប្រជាពលរដ្ឋដទែទៀតក៏ឃើញដែរ អាជីវករ ម៉ូតូឌុបគាត់បានឃើញទាំងអស់»។
ចៅសង្កាត់ប៉ោយប៉ែត លោក ចៅ វាសនា ប្រាប់វីអូឌីនៅថ្ងៃសុក្រនេះថា លោក ម៉ង់ ពុទ្ធី មិនបានជិះឡានបុកប៉ូលីសម្នាក់នោះដូចការចោទប្រកាន់ឡើយ។ លោកថាជម្លោះនេះកើតឡើងដោយសារអាជ្ញាធរនៅទីនោះមានគំនុំជាមួយលោក ម៉ង់ ពុទ្ធី ខណៈដែលលោកធ្លាប់ជួយដោះស្រាយបញ្ហាឲ្យពលរដ្ឋដែលត្រូវបានអាជ្ញាធរចាប់យកម៉ូតូនៅពេលប្រជាពលរដ្ឋមិនបានបង់លុយឲ្យមន្ត្រីប៉ូលីសរូបនោះ។
វីអូឌីមិនអាចសុំការអត្ថាធិប្បាយពីស្នងការខេត្តបន្ទាយមានជ័យបាននៅឡើយទេ ដោយទូរសព្ទមិនមានអ្នកទទួល។
បើតាមវីដេអូដែលផ្សាយតាមហ្វេសប៊ុកបង្ហាញថា ប៉ូលីសម្នាក់ឈ្មោះពិសិដ្ឋ ជាមន្ត្រីច្រកព្រំដែនប៉ោយប៉ែតបានផ្តួលខ្លួនឯងនៅមុខរថយន្តមួយគ្រឿង ដោយក្នុងដៃមានកាន់អាយកូមនិងកូនសោ មិនព្រមព្រលែងចោលឡើយ ខណៈខ្លួនបានឃាត់រថយន្តមួយគ្រឿង។
មន្ត្រីសិទ្ធិមនុស្សអាដហុកប្រចាំខេត្តបន្ទាយមានជ័យ លោក ស៊ុំ ចាន់គា ឲ្យដឹងថាបើតាមសាក្សីឃើញនិយាយថា ឡានលោក ម៉ង់ ពុទ្ធី មិនបុកទេ ប៉ុន្តែសមត្ថកិច្ចនោះដួលមុខឡានដោយខ្លួនឯង។ ចំណែករូបភាពតាមរយៈសមត្ថកិច្ចបង្ហោះចេញមន្ទីរពេទ្យប្រទេសថៃ បានបង្ហាញអំពីការរបួសយ៉ាងធ្ងន់ធ្ងរ ឃើញរុំត្រង់កនិងស្នាមនៅលើភ្លៅ ជាលក្ខណៈប៉ះទង្គិច។ ប៉ុន្តែលោក ស៊ុំ ចាន់គា ថាកំពុងធ្វើការស៊ើបអង្កេតករណីនេះបន្តទៀត។
លោកថា៖ «តើខាងប៉ូលីសហ្នឹង គាត់ហ្នឹងបើកឡានបុកៗដោយរបៀបណា ព្រោះឡានវាឈប់ មនុស្សនៅមិនទាន់ពន្លាត់ឡានទេនៅចង្កូតនិងបួងវាយ៉ាងម៉េច បើវាចេះធាក់ដូចសេះដូចអីទីវាធាក់ពោងវាល្អដែលយើងមើលឲ្យសម មើលកងឡានវាមិនចេះធាក់ទេ ប៉ូលីសវាមានរបួសមែនយើងគិតថាវាដួលទង្គិចឡានឬឡានទង្គិចគាត់ហើយឡានដែលឈប់យ៉ាងម៉េចហើយសាក្សីចង្អុលបង្ហាញថាឡាននិងអត់បើកទេ វាឈប់គេប្រាប់ទាំងអស់គ្នាចឹងនេះជាការមួយដែលយើងមើលថាស្មុគស្មាញក្នុងការពិនិត្យបច្ច័យក្នុងហ្នឹង ហើយខាងមន្ទីពេទ្យនៅថៃទៀត យើងពិបាកក្នុងការសាកសួរថាតើគាត់មានអាការៈយ៉ាងម៉េចពីមុនមក ហើយមកដល់ពេលនេះគាត់មានអីបានជាមានបញ្ហាចឹងឬមួយគាត់មិនដែលមានអីចុះថៃ្ងហ្នឹងត្រូវឡានបុកបួងចង្កូតប៉ះពាល់អីមួយបានដួលដល់គាត់»។
បើតាមប្រភពពីពលរដ្ឋ ប៉ូលីសនៃស្នងការខេត្តបន្ទាយមានជ័យបានបញ្ជួនលោក ម៉ង់ ពុទ្ធី ទៅតុលាការនៅរសៀលនេះ។
យ៉ាងណាក៏ដោយ មន្ត្រីសិទ្ធិមនុស្សអាដហុកបានស្នើឲ្យស្ថាប័នពាក់ព័ន្ធនិងតុលាការធ្វើការស៊ើបអង្កេតករណីឲ្យមានភាពយុត្តិធម៌ មុននឹងធ្វើការចោទប្រកាន់លើ លោក ម៉ង់ ពុទ្ធី៕
មន្ត្រីគណបក្សសង្គ្រោះជាតិប្រចាំខេត្តបន្ទាយមានជ័យ លោក ម៉ង់ ពុទ្ធី ត្រូវបានសមត្ថកិច្ចចាប់ខ្លួនកាលពីម្សិលមិញ ខណៈនគរបាលព្រំដែនម្នាក់ដួលនៅមុខរថយន្តរបស់មន្ត្រីបក្សប្រឆាំងរូបនោះ។
បើតាមពលរដ្ឋម្នាក់គឺ លោក ហឹន សេងអឿន ដែលអះអាងបានឃើញហេតុការណ៍នេះបានឲ្យដឹងថា នៅថ្ងៃនេះមន្ត្រីសិទ្ធិមនុស្សនិងពលរដ្ឋបាននាំគ្នាទៅធ្វើសាក្សីនិងទាមទារឲ្យដោះលែង លោក ម៉ង់ ពុទ្ធី វិញដោយថាគាត់មិនបានបើកឡានប៉ះប៉ូលីសរូបនោះឡើយ ប៉ុន្តែពួកគេថាប៉ូលីសរូបនោះបានផ្តួលខ្លួនឯងនៅពីមុខឡានរបស់លោក ម៉ង់ ពុទ្ធី។
លោកថា៖ «អាកូនចៅអត់ហ៊ានឃាត់មេហ្នឹង ប្រើឲ្យទៅឃាត់ម្នាក់ដែលនេះហ្នឹងក៏គាត់អាយែឡានខ្លួនឯង (ថយឡាន) អាយែៗទៅឡានហឹ្នងក៏អាយែទៅថៃ តែប៉ូលីសនេះមិនឲ្យទៅចឹងឲ្យឡាននេះអាយែមកខាងខែ្មរវិញ ចឹងឡានហ្នឹងមានអាទេះដឹកអីវ៉ានដែលចេញពីថៃមកវិញ។ ចឹងក៏បានអាយែ រួចហើយប៉ូលីសក៏គោះឡានហ្នឹងឲ្យឈប់ ឡានហ្នឹងក៏ឈប់ងក់ គាត់អាយែថយក្រោយហើយប៉ូលីសក៏គាត់ដើរមកពីមុខឡានបន្តិច គាត់ធើ្វបង្កាច់ដួល។ តាមការពិតឡានហ្នឹងអត់មានប៉ះប៉ូលីសហ្នឹងទេ។ ខ្ញុំជាប្រជាពលរដ្ឋ ខ្ញុំឃើញជាក់សែ្ដងផ្ទាល់ម៉ង់មិនមែនតែខ្ញុំទេ ប្រជាពលរដ្ឋដទែទៀតក៏ឃើញដែរ អាជីវករ ម៉ូតូឌុបគាត់បានឃើញទាំងអស់»។
ចៅសង្កាត់ប៉ោយប៉ែត លោក ចៅ វាសនា ប្រាប់វីអូឌីនៅថ្ងៃសុក្រនេះថា លោក ម៉ង់ ពុទ្ធី មិនបានជិះឡានបុកប៉ូលីសម្នាក់នោះដូចការចោទប្រកាន់ឡើយ។ លោកថាជម្លោះនេះកើតឡើងដោយសារអាជ្ញាធរនៅទីនោះមានគំនុំជាមួយលោក ម៉ង់ ពុទ្ធី ខណៈដែលលោកធ្លាប់ជួយដោះស្រាយបញ្ហាឲ្យពលរដ្ឋដែលត្រូវបានអាជ្ញាធរចាប់យកម៉ូតូនៅពេលប្រជាពលរដ្ឋមិនបានបង់លុយឲ្យមន្ត្រីប៉ូលីសរូបនោះ។
វីអូឌីមិនអាចសុំការអត្ថាធិប្បាយពីស្នងការខេត្តបន្ទាយមានជ័យបាននៅឡើយទេ ដោយទូរសព្ទមិនមានអ្នកទទួល។
បើតាមវីដេអូដែលផ្សាយតាមហ្វេសប៊ុកបង្ហាញថា ប៉ូលីសម្នាក់ឈ្មោះពិសិដ្ឋ ជាមន្ត្រីច្រកព្រំដែនប៉ោយប៉ែតបានផ្តួលខ្លួនឯងនៅមុខរថយន្តមួយគ្រឿង ដោយក្នុងដៃមានកាន់អាយកូមនិងកូនសោ មិនព្រមព្រលែងចោលឡើយ ខណៈខ្លួនបានឃាត់រថយន្តមួយគ្រឿង។
មន្ត្រីសិទ្ធិមនុស្សអាដហុកប្រចាំខេត្តបន្ទាយមានជ័យ លោក ស៊ុំ ចាន់គា ឲ្យដឹងថាបើតាមសាក្សីឃើញនិយាយថា ឡានលោក ម៉ង់ ពុទ្ធី មិនបុកទេ ប៉ុន្តែសមត្ថកិច្ចនោះដួលមុខឡានដោយខ្លួនឯង។ ចំណែករូបភាពតាមរយៈសមត្ថកិច្ចបង្ហោះចេញមន្ទីរពេទ្យប្រទេសថៃ បានបង្ហាញអំពីការរបួសយ៉ាងធ្ងន់ធ្ងរ ឃើញរុំត្រង់កនិងស្នាមនៅលើភ្លៅ ជាលក្ខណៈប៉ះទង្គិច។ ប៉ុន្តែលោក ស៊ុំ ចាន់គា ថាកំពុងធ្វើការស៊ើបអង្កេតករណីនេះបន្តទៀត។
លោកថា៖ «តើខាងប៉ូលីសហ្នឹង គាត់ហ្នឹងបើកឡានបុកៗដោយរបៀបណា ព្រោះឡានវាឈប់ មនុស្សនៅមិនទាន់ពន្លាត់ឡានទេនៅចង្កូតនិងបួងវាយ៉ាងម៉េច បើវាចេះធាក់ដូចសេះដូចអីទីវាធាក់ពោងវាល្អដែលយើងមើលឲ្យសម មើលកងឡានវាមិនចេះធាក់ទេ ប៉ូលីសវាមានរបួសមែនយើងគិតថាវាដួលទង្គិចឡានឬឡានទង្គិចគាត់ហើយឡានដែលឈប់យ៉ាងម៉េចហើយសាក្សីចង្អុលបង្ហាញថាឡាននិងអត់បើកទេ វាឈប់គេប្រាប់ទាំងអស់គ្នាចឹងនេះជាការមួយដែលយើងមើលថាស្មុគស្មាញក្នុងការពិនិត្យបច្ច័យក្នុងហ្នឹង ហើយខាងមន្ទីពេទ្យនៅថៃទៀត យើងពិបាកក្នុងការសាកសួរថាតើគាត់មានអាការៈយ៉ាងម៉េចពីមុនមក ហើយមកដល់ពេលនេះគាត់មានអីបានជាមានបញ្ហាចឹងឬមួយគាត់មិនដែលមានអីចុះថៃ្ងហ្នឹងត្រូវឡានបុកបួងចង្កូតប៉ះពាល់អីមួយបានដួលដល់គាត់»។
បើតាមប្រភពពីពលរដ្ឋ ប៉ូលីសនៃស្នងការខេត្តបន្ទាយមានជ័យបានបញ្ជួនលោក ម៉ង់ ពុទ្ធី ទៅតុលាការនៅរសៀលនេះ។
យ៉ាងណាក៏ដោយ មន្ត្រីសិទ្ធិមនុស្សអាដហុកបានស្នើឲ្យស្ថាប័នពាក់ព័ន្ធនិងតុលាការធ្វើការស៊ើបអង្កេតករណីឲ្យមានភាពយុត្តិធម៌ មុននឹងធ្វើការចោទប្រកាន់លើ លោក ម៉ង់ ពុទ្ធី៕
(all readers's comments can help improve the information, as well as better social)
