More Reading:

  • threat

  • throat

  • tight

  • till

  • tomorrow

  • tough

  • track

  • trap

  • treasury

  • tremble

  • សាលារៀន​អន្តរទ្វីប​អាមេរិក (AIS) បកស្រាយ​ទាក់ទង​រឿង​កូនសិស្ស​ជួប​គ្រោះថ្នាក់​រអិល​ធ្លាក់​ពីលើ​ជណ្តើរ​ភ្នំ​ខណៈពេល​ទស្សនកិច្ច​សិក្សា​នៅ​ខេត្តកណ្តាល​
    Posted Saturday, December 31, 2016 | ដោយ៖ ដឺណេសិនប៉ុស្តិ៍ | Posted in  Nation , Social News | Read 3214


    កាលពីពេល​ថ្មីៗ​មានការ​រិះគន់​មួយ​ទាក់ទង​ជាមួយនឹង​សាលារៀន​អន្តរទ្វីប​អាមេរិកកាំង (AIS) ក្រោយ​សិស្ស​ម្នាក់​ត្រូវបាន​ជួប​គ្រោះថ្នាក់​នៅពេល​ចុះ​ទស្សនកិច្ច​សិក្សា​នៅ​ខេត្តកណ្តាល​។ ក្នុងនោះ​គណៈ​គ្រប់គ្រង​សាលា​ខាងលើ ក៍​បានធ្វើ​ការបកស្រាយ​លើ​ករណី​ខាងលើ​ដូចគ្នា ដែល​មាន​ខ្លឹមសារ​ដូចខាងក្រោម​៖

    ​គណៈ​គ្រប់គ្រង​សាលារៀន អន្ដរទ្វីប អាមេរិកាំង សូម​គោរព​ជូន​មាតាបិតា ឬ​អ្នកអាណាព្យាបាល​សិស្ស​ឈ្មោះ ពិទាយ រ័ត្ន​ពិសិដ្ឋ​

    កម្មវត្ថុ    : ការឆ្លើយតប​ចំពោះ​បញ្ហា​គ្រោះថ្នាក់​ជាយថាហេតុ​កាលពី​ថ្ងៃទី​២៤ ខែធ្នូ ឆ្នាំ​២០១៦ កន្លងទៅ​។ តប​តាម​កម្មវត្ថុ​ខាងលើ គណៈ​គ្រប់គ្រង​សាលារៀន អន្តរទ្វីប អាមេរិកាំង សូម​ជម្រាបជូន​មាតាបិតា ឬ​អ្នកអាណាព្យាបាល​សិស្ស​ឈ្មោះ ពិទាយ រ័ត្ន​ពិសិដ្ឋ មេ​ត្ដា​ជ្រាបថា ដោយយោង​លើ​ស្ថានភាព​ជាក់ស្តែង​ដែល​បាន​កើតឡើង​កាលពី​ថ្ងៃទី​២៤ ខែធ្នូ ឆ្នាំ​២០១៦ កន្លងទៅនេះ គណៈ​គ្រប់គ្រង​សាលា​សូម​អះអាង​ចំពោះ​ការយកចិត្តទុកដាក់រ​បស់​សាលា​ក្នុងការ​រៀបចំ​ដំណើរ​ទស្សនកិច្ច​សិក្សា ដូចខាងក្រោម ៖

    ១. មុនពេល​ចុះ​ទស្សនកិច្ច​សិក្សា​
    ​គណៈ​គ្រប់គ្រង​សាលា​បាន​ចុះ​សិក្សា​ទីតាំង​ជាក់ស្តែង​មុនពេល​ដឹកនាំ​សិស្សានុសិស្ស​ចុះ​ទស្សនកិច្ច​សិក្សា​។​​សាលា​បានចេញ​លិខិត​ទៅកាន់​មាតាបិតា ឬ​អ្នកអាណាព្យាបាល​សិស្ស និង​សិស្សានុសិស្ស​អំពី​ដំណើរ​ការរៀបចំ​កម្មវិធី និង​ការ​រំឭក​ចំពោះ​សិស្សានុសិស្ស​លើ​ការយកចិត្តទុកដាក់​មួ​យ​ចំនួន​ក្នុង​ដំណើរ​ទស្សនកិច្ច​សិក្សា រួមទាំង​ចុះ​តាម​ថ្នាក់​ដើម្បី​ផ្តល់ព័ត៌មាន​បន្ថែម​ដល់​សិស្ស​។​
    ​សាលា​បានរៀបចំ​ការប្រជុំ​គ្រូ និង​បុគ្គលិក​ពាក់ព័ន្ធ​ដើម្បី​មើល​ការខុសត្រូវ​ដល់​ប្អូនៗ​សិស្សានុសិស្ស​។​
    ​សាលា​បាន​ចាត់តាំង​បែងចែក​លោកគ្រូ អ្នកគ្រូ​មើល​ការខុសត្រូវ​តាម​ក្រុម​នីមួយៗ មាន​សន្តិសុខ និង​មាន​គិលានុបដ្ឋាក​តាមមើល​ជាប្រចាំ​ក្នុង​ដំណើរការ​ទស្សនកិច្ច​សិក្សា​។​

    ២. ក្នុងពេល​ចុះ​ទស្សនកិច្ច​សិក្សា​
    ​គណៈ​គ្រប់គ្រង​សាលា ក៏ដូចជា​លោកគ្រូ អ្នកគ្រូ និង​សន្តិសុខ​តាម​ក្រុម​នីមួយៗ​បាន​ណែនាំ និង​រំឭក​សិស្សានុសិស្ស​ទាំងអស់​ទូទៅ​ជារឿយៗ ឱ្យ​យកចិត្តទុកដាក់​ចំពោះ​សេចក្តីសុខ​សុវត្ថិភាព​ផ្ទាល់ខ្លួន​របស់​សិស្ស​ដូចជា ការមើល​លើ​ស្ថានភាព​សុវត្ថិភាព​ផ្ទាល់ខ្លួន ការ​ញ៉ាំ​អាហារ ការដើរ ការរត់ ផ្លូវ​ដើរ សត្វល្អិត និង​ការលេង​ជាដើម ហើយ​សិស្សានុសិស្ស​ដទៃ​បាន​យកចិត្តទុកដាក់​អនុវត្ត​ដោយ​ប្រុងប្រយ័ត្ន​តាម​មាន​សុវត្ថិ​ភាពល្អ តែ​ដោយឡែក​ប្រហែលជា​ប្អូន​លេង ឬ​មានធុរៈ​អ្វី​ចាំបាច់​ណាមួយ​ដែលនាំឱ្យ​ប្អូនប្រុស ពិទាយ រ័ត្ន​ពិសិដ្ឋ បាន​រត់​ដួល​លើ​ទី​ជម្រាល​ជណ្តើរ​ជាយថាហេតុ​។​

    ​ក្នុងពេល​មាន​បញ្ហា​កើតឡើង​ជាយថាហេតុ​ភ្លាមៗ អ្នកគ្រូ លាង សុធា​រី សន្តិសុខ និង​គិលានុបដ្ឋាក​បាន​ស្ទុះស្ទា​លើក​រូប​ប្អូន​ឡើង ដើម្បី​ធ្វើការ​ពិនិត្យ និង​សង្គ្រោះ​បឋម និង​ហៅ​រថយន្ត​ដើម្បី​ដឹកបញ្ជូន​ប្អូនប្រុស​ទៅកាន់​មន្ទីរពេទ្យ​ជាបន្ទាន់ ដោយសារ​យើង​មិនអាច​វាស់​ស្ទង់​ស្ថានភាព​គ្រោះថ្នាក់​កម្រិតណា​បាន​ច្បាស់​។ ភ្លាមនោះ ចាងហ្វាង​ទទួលបន្ទុក​បាន​ទាក់ទង​តាមរយៈ​ទូរ​សព្ទ​ទៅកាន់​មាតា​សិស្ស ដើម្បី​ផ្តល់ព័ត៌មាន​អំពី​បញ្ហា​នេះ និង​សម្រេច​ធ្វើការ​បន្ត ហើយ​ចាងហ្វាង​ទទួលបន្ទុក​ចំនួន​០២​រូប​នៅតែ​បន្តដំណើរ​យ៉ាង​យកចិត្តទុកដាក់​ជាមួយ​ប្អូនប្រុស​ជានិច្ច បើទោះបី​ជាមាន​មាតាបិតា​សិស្ស​នៅ​ជាមួយ​ហើយក៏​ដោយ​។​
     
    ៣. ក្នុងពេល និង​ក្រោយពេល​បញ្ហា​គ្រោះថ្នាក់​ជាយថាហេតុ​កើតឡើង​
    ​នៅតាម​ផ្លូវ​ទៅកាន់​មន្ទីរពេទ្យ​សាលា​ក៏មាន​ការចូលរួម​ដំណើរ​ពី​គិលានុបដ្ឋាក ជាពិសេស​មាន​ចាងហ្វាង​ទទួលបន្ទុក​ចំនួន​០២​រូប និង​សន្តិសុខ​។​
    ​ក្នុងកំឡុងពេល​ជួប​ប្រឹក្សា​ជាមួយ​ពេទ្យ​ជំនាញ ចាងហ្វាង​ទទួលបន្ទុក​នៅតែ​បន្ត​ការចូលរួម​យកចិត្តទុកដាក់ និង​ខ្វល់ខ្វាយ​រហូត​ទាល់តែ​ដឹង​ពី​ព័ត៌មាន​ថា​ប្អូន​មាន​សុវត្ថិភាព សុខទុក្ខ និង​ភាពកក់ក្តៅ​ពី​ពេទ្យ​ជំនាញ និង​មាតាបិតា​របស់​ប្អូន​ផ្ទាល់ ទើប​ចាងហ្វាង​ទទួលបន្ទុក​ប្រគល់​ប្អូន​ជូន​មាតាបិតា ហើយ​ពួកគាត់​ត្រឡប់មកវិញ​។​

    ​ចាងហ្វាង​ទទួលបន្ទុក​នៅតែ​បន្ត​ការយកចិត្តទុកដាក់ និង​ក្តី​ព្រួយបារម្ភ​ដោយ​ការហៅ​ទូរ​សព្ទ​សួរសុខទុក្ខ​ប្អូន​តាមរយៈ​មាតា​សិស្ស​នៅ​ថ្ងៃ​ចន្ទ ទី​២៦ ខែធ្នូ ឆ្នាំ​២០១៦ វេលា​ម៉ោង​១០​ព្រឹក ហើយ​បានទទួល​ព័ត៌មាន​ថា​ប្អូនប្រុស​មិន​អី​ទេ​នៅតាម​ដាន​អា​ការៈបន្ត​។​

    ​ជាមួយគ្នានេះដែរ ចាងហ្វាង​ទទួលបន្ទុក​ក៏បាន​រៀបចំ​សំណុំ​ឯកសារ​ធានារ៉ាប់រង​ជូន​ដល់​មាតាបិតា​សិស្ស និង​បាន​ពន្យល់​យ៉ាងច្បាស់​អំពី​ការធានារ៉ាប់រង​ចំនួន​៣០០​ដុល្លារ គឺជា​ការធានារ៉ាប់រង​លើ​ការព្យាបាល​គ្រោះថ្នាក់ មិនមែនជា​ការធានារ៉ាប់រង​អាយុជីវិត​ទេ​។ គួរបញ្ជាក់​ផងដែរ​ថា កាលពីដើមឆ្នាំ​សិក្សា​សាលា​បាន​ចែកជូន​មាតាបិតា​សិស្ស​នូវ​លិខិត​ស្តីអំពី​លក្ខន្តិកៈ​លម្អិត​ក្នុងការ​ផ្តល់​ការធានារ៉ាប់រង​គ្រោះថ្នាក់​រួចមកហើយ​។​

    ​គណៈ​គ្រប់គ្រង​សាលា និង​មាតា​សិស្ស​ក៏បាន​ជួបពិភាក្សា​ជាមួយគ្នា​អំពី​ហេតុការណ៍ និង​បានបញ្ចប់​ការសន្ទនា​ដោយ​ការយោគយល់​គ្នា​ទៅវិញទៅមក​ផងដែរ ហើយ​មាតា​សិស្ស​បានទទួល​ឯកសារ​ធានារ៉ាប់រង និង​សន្យាថា​នឹង​ឆ្លើយតប​វិញ​បន្ទាប់ពី​មានការ​ប្រឹក្សា​ជាមួយ​ស្វាមី​។​
    ​រហូតមកដល់​ថ្ងៃទី​៣០ ខែធ្នូ ឆ្នាំ​២០១៦ សាលា​នៅ​ពុំទាន់​បានទទួល​នូវ​ការឆ្លើយតប​ពី​មាតាបិតា​នៅឡើយ​ទេ ប៉ុន្តែ​បែរជា​ទទួលបាន​នូវ​ការរិះគន់​តាម​បណ្តាញ​សង្គម​ហ្វេ​ស​ប៊ុ​ក​ទៅវិញ​។​
    ​អាស្រ័យ​ដូច​បាន​ជម្រាបជូន​ខាងលើ សូម​មាតាបិតា ឬ​អ្នកអាណាព្យាបាល​សិស្ស​ឈ្មោះ ពិទាយ រ័ត្ន​ពិសិដ្ឋ មេត្តា​ជ្រាប​ជា​ព័ត៌មាន​។​

    ​សូម​លោក លោកស្រី មេ​ត្ដា​ទទួល​នូវ​ការគោរព​រាប់អាន​ដ៏​ស្មោះស្ម័គ្រ​អំពី​យើងខ្ញុំ​។
    (all readers's comments can help improve the information, as well as better social)