More Reading:

  • threat

  • throat

  • tight

  • till

  • tomorrow

  • tough

  • track

  • trap

  • treasury

  • tremble

  • ក្មេង​អាយុ ៤​ឆ្នាំ​លុងទឹក​ស្លាប់ ពីក្រោយ​ខ្នង​ម្តាយ ដែល​កំពុង​ឈរ​ចុច​ទូរស័ព្ទ​!!
    Posted Saturday, January 07, 2017 | ដោយ៖ ដឺណេសិនប៉ុស្តិ៍ | Posted in  World , Social News | Read 3002


    ​វីដេអូ​ដែល​គួរ​ស្រណោះ​មួយ បាន​ល្បី​ពីមួយ​ទៅមួយ ឡើង​កក្រើក​ពេញ​បណ្តាញ​សង្គម​ចិន ដែល​បានបង្ហាញ​ពី​សកម្មភាព ក្មេងប្រុស​ម្នាក់​កំពុង​ស្រ​វេ​ស្រវា​រក​អ្នក​ជួយ​នៅ​ពីក្រោយ​ខ្នង អ្នក​ម្តាយ​សម័យថ្មី​របស់ខ្លួន​ដែល​កំពុង​ឈរ​ចុច​ទូរស័ព្ទ​លេង តែ​ចម្ងាយ​ប្រហែល​ពី ២ ទៅ ៣​ម៉ែត្រ​ប៉ុណ្ណោះ​។​

    ​តាម​ការបង្ហាញ​ក្នុង​កាមេរ៉ា​សុវត្ថិភាព ដែល​យក​ចេញពី​បរិវេន​អាងទឹក​ក្នុង​រមណីយដ្ឋាន ស៊ី​ង​ឆាង​(Xianyang) ខេត្ត សាន្ត​ស៊ី​(Shaanxi) ប្រទេស​ចិន​។ វា​បានបង្ហាញ​ឲ្យ​ឃើញថា ស្ត្រី​ជា​ម្តាយ​បាន​ផ្តោតអារម្មណ៍​ទៅលើ​ទូរស័ព្ទ ខណៈ​កូនប្រុស​របស់​នាង​កំពុង​ស្រ​វេ​ស្រវា ចុះឡើង ត្រដរខ្យល់ ក្នុង​ទឹក នៅ​ពី​ក្រោយខ្នង​នាង​។​

    ​ទោះជា​យ៉ាងណាក្តី ដង្ហើមចុងក្រោយ​របស់​ក្មេងប្រុស​ដ៏​កំសត់​ម្នាក់នេះ ពុំ​ត្រូវ​បានន​ណា​ម្នាក់​ឃើញ​ឡើយ​។ សូម្បីតែ​ម្តាយ​របស់ខ្លួន បានដាក់​ទូរស័ព្ទ​ចុះ និង​ដើរ​រកមើល​កូន​ក៏ដោយ តែ​បែរជា​ដើរ​ខុសផ្លូវ​ទៅវិញ​។​

    ​បន្ទាប់មក នាង​ពុំ​អា​ចរក​កូនប្រុស​ឃើញ​ទេ នាង​ក៏​ទៅសុំ​ជំនួយ​ពី​បុគ្គលិក​រមណីយដ្ឋាន ដើម្បី​ឲ្យ​ជួយរ​កកូន​នាង​។ ចំណាយពេល​អស់​ជាង ៣០​នាទី ទម្រាំ​តែ​រកឃើញ​កូនប្រុស​នៅ​បាត់​អាងទឹក ពិតជា​គួរ​ឲ្យ​សោកស្តាយ​ណាស់ វា​ហួសពេល​ជួយសង្គ្រោះ​ទៅហើយ​។ កាមេរ៉ា​សុវត្ថិភាព​បានបង្ហាញ​ឲ្យ​ឃើញ​ពី​សកម្មភាព​របស់​ក្មេង​ស្រ​វេ​ស្រវា​ក្នុង​ទឹក​ប្រហែល ៣​នាទី​មុនពេល​លេច​ចុះទៅ​បាត់​អាង​។​​បើ​យោងតាម​អ្នករាយការណ៍​ក្នុង​តំបន់​បាន​ឲ្យ​ដឹងថា អាងទឹក​មាន​ជម្រៅ​ពី​រាក់ 30 សង់ទីម៉ែត្រ ទៅ​ជម្រៅ​បំផុត 1,3 ម៉ែត្រ​។ ក្មេងប្រុស​នេះ​បាន​លង់ទឹក​ស្លាប់​នៅក្នុង​ជម្រៅ 1,1 ម៉ែត្រ​។​
    (all readers's comments can help improve the information, as well as better social)