More Reading:

  • threat

  • throat

  • tight

  • till

  • tomorrow

  • tough

  • track

  • trap

  • treasury

  • tremble

  • ទីបំផុត​! ចាន់ វឌ្ឍនាកា ចុះកិច្ចសន្យា​ផ្ទេរ​ទៅកាន់​ក្លិប​Fujieda MYFC របស់​ជប៉ុន ក្នុង​លក្ខខណ្ឌ​ខ្ចី​ជើង​រយៈពេល​១​រដូវ​កាល​
    Posted Friday, January 13, 2017 | ដោយ៖ ដឺណេសិនប៉ុស្តិ៍ | Posted in  Sports , Local | Read 2835


    ​កាល​ពិត​ត្រូវបាន​លាតត្រដាង​នៅក្នុង​អំឡុង​ស​ន្និសិត​សារព័ត៌​មាននៅ​រសៀល​ថ្ងៃ សុក្រ ទី ១៣ ខែ មករា ឆ្នាំ​២០១៧​នេះ អំពី​ការផ្ទេរ​របស់​ចាន់ វឌ្ឍនាកា ទៅ​ក្លិប​លេង​នៅ​លី​គ​លំដាប់​ទី​៣ របស់​ប្រទេស​ជប៉ុន Fujieda MYFC ក្នុង​លក្ខខណ្ឌ​ខ្ចី​ជើង​រយៈពេល​វែង​ពោលគឺ​១​រដូវ​កាល​ពេញ​សម្រាប់​ឆ្នាំ​២០១៧​។​

    ​មូលហេតុ​នាំអោយ​កើតមាន​កិច្ចសន្យា​នេះ គឺ​កាលពី​ថ្ងៃទី ១ ខែ វិច្ឆិកា ឆ្នាំ​២០១៦ កន្លងទៅ​កីឡាករ​ដែល​រក​គ្រាប់​បាល់​បាន​ច្រើនជាងគេ​នៅក្នុង​ក្រុម​ជម្រើសជាតិ ( ១៦​គ្រាប់ ) និង​នៅក្នុង​លី​គ​កំពូល​កម្ពុជា ( ២២​គ្រាប់ ) រូបនេះ​បានធ្វើ​ដំណើរ​ទៅកាន់​ក្លិប Fujieda របស់​ជប៉ុន ហ្វឹកហាត់​នៅ​ទី​នោះបាន​រយៈពេល​ប្រមាណ​ជា​១​សប្ដាហ៍​ផងដែរ​។​

    ​ចំណែក​ប្រព័ន្ធ​ផ្សព្វផ្សាយ​មួយចំនួន​របស់​ម៉ាឡេស៊ី ហាក់​ចាប់អារម្មណ៍​ច្រើន​ពី​កីឡាករ​រូបនេះ​ក្នុងអំឡុងពេល​ប្រកួត​ពានរង្វាន់ AFF Suzuki Cup 2016 ស្របពេល​វិ​ប​សាយ​ផ្លូវការ​របស់​សហព័ន្ធ​កីឡាបាល់ទាត់​ថៃ Thai-League វិញ​បានដាក់​កីឡាករ ចាន់ វឌ្ឍនាកា ចូលក្នុង​បញ្ជី​កីឡាករ​ក្នុង​តំបន់​អាស៊ាន ១០ រូប​ដែល​គួរតែ​បង្ហាញខ្លួន​ក្នុង​លី​គ​របស់គេ​។​

    ​គួរ​បញ្ជាក់ថា លី​គ​លំដាប់​ទី​៣​របស់​ជប៉ុន​អាច​នឹង​ចាប់ផ្តើម​នៅ​អំឡុង​សប្តាហ៍​ទី​២​នៃ ខែ មីនា ឆ្នាំ​២០១៧ ខណៈ​កាលពី​រដូវ​កាល​ចាស់ ក្លិប Fujieda បាន​បញ្ចប់ទៅ​នៅក្នុង​ចំណាត់ថ្នាក់​ទី​៧ ក្នុងចំណោម​១៥​ក្រុម មាន​៤៥​ពិន្ទុ ដោយ​ឈ្នះ​១៤ ស្មើ​៣ ចាញ់​១៣ ទាត់​បញ្ចូល​ទី​គូប្រកួត​ចំនួន​៤៨​គ្រាប់ របូត​វិញ​៤២៕
    (all readers's comments can help improve the information, as well as better social)