More Reading:

  • threat

  • throat

  • tight

  • till

  • tomorrow

  • tough

  • track

  • trap

  • treasury

  • tremble

  • នាយ​ក្រឹម ទុក្ខ​មិនទាន់​រសាយ កូន​នៅ​សង្គ្រោះបន្ទាន់​នៅឡើយ​
    Posted Friday, January 13, 2017 | ដោយ៖ ដឺណេសិនប៉ុស្តិ៍ | Posted in  Nation , Entertainment | Read 2661


    ​ភ្នំពេញ​: ថ្មីៗ​ពី​ហ្វេ​ស​ប៊ុ​ក​តារា​កំប្លែង​ស្រី​លាភ បាន​រំលេច​ដំណឹង​ដ៏​ក្តុកក្តួល​រំជួលចិត្ត​មហាជន​ដែលថា ពេលនេះ​កូនប្រុស​តារា​កំប្លែង នាយ​ក្រឹម មាន​ជំងឺ​ជា​ទម្ងន់​កំពុង​សម្រាក​ព្យាបាល​នៅ​មន្ទីរពេទ្យ​ប្រទេស​ថៃ ដោយមាន​អាការ​ជំងឺ​ដុំ​គីស​នៅ​ឆ្អឹងខ្នង ត្រូវ​វះកាត់​ជាបន្ទាន់ តាម​វេជ្ជបញ្ជា​តម្រូវ​ឲ្យ​គេង​ព្យាបាល​រយៈពេល​យូរ ដើម្បី​តាមដាន​ព្យាបាល​ជំងឺ​។​

    ​ទន្ទឹមនឹងនោះ តារា​កំប្លែង នាយ ក្រឹម ក៏បាន​ទទួលស្គាល់ថា វេលា​នេះ​ក្រុមគ្រួសារ​ពិតជា​កំពុង​ជួប​ទុក្ខ​ធំ​មែន ដោយ​កូនប្រុស​ពៅ​មាន​ជំងឺ​ដុំ​គីស​នៅ​ឆ្អឹងខ្នង កំពុង​សម្រាក​ព្យាបាល​នៅ​ប្រទេស​ថៃ​។​

    ​ក្នុងជំនួប​ឆ្លើយឆ្លង​ជាមួយ ភ្នំពេញ ប៉ុស្តិ៍ នៅ​រសៀល​ថ្ងៃទី ១១ ខែមករា តារា​កំប្លែង​ដែល​កំពុង​ជួប​ទុក្ខ​កូនប្រុស​ពៅ​មាន​ជំងឺ​ដុំ​គីស​នៅ​ឆ្អឹងខ្នង លោក អ៊ូ ប៊ុណ្ណា​រ៉ាត់ ហៅ​នាយ ក្រឹម ក៏បាន​រៀបរាប់ថា​៖ «​កូនប្រុស​ពៅ​ខ្ញុំ ឈ្មោះ ដា​រី ញ៉ែ​ល អ៊ូ នេះ​គេ​ចូលចិត្ត​គូរគំនូរ គេ​ជាជាង​គំនូរ ហើយ​គេ​បាន​ប្រើពេល​ជាច្រើន អង្គុយ​គូរគំនូរ​នៅ​រៀងរាល់ថ្ងៃ ហើយក៏​មិនដឹងថា កូន​មាន​ជំងឺ​គីស​នៅ​ឆ្អឹងខ្នង​កូន​កើតមាន​តាំងពី​ពេលណា​មក​ដែរ​»​។​

    ​បន្ថែម​ពីស​ម្ដី​លាន់មាត់​ថា «​ព្រោះថា កូន​ម្នាក់នេះ បើ​មិន​សួរ​ក៏​គេ​មិន​និយាយ​ស្ដីរក​អ្នកណា​ក្នុងផ្ទះ​ដែរ ទាំង​ដើរ​ទល់មុខ ទើប​មិនដឹងថា កូន​ឈឺ​ជំងឺ​នេះ​» តារា​កំប្លែង​វ័យ​ជ្រេ ក៏មាន​នាទី​ជា​មន្ត្រី​យោធា​នៅក្នុង​អង្គភាព​អង្គរក្ស​សម្តេចនាយករ​ដ្ឋ​មន្ត្រី និង​មាន​អត្តលេខ ០០១ ផង​នោះ នាយ ក្រឹម ក៏បាន​រៀបរាប់​បន្តថា​៖ «​ទើបតែ​ជំងឺ​ធ្វើទុក្ខ​ខ្លាំង​ទើប​ប្រាប់​ឪពុកម្តាយ​ថា ឈឺចង្កេះ​យូរហើយ ហើយ​ទើប​ថ្ងៃ​សៅរ៍​ទី ៧ ខែមករា ក៏​ចុក​ខ្លាំង ដែល​ដំបូង​ឡើយ​បញ្ជូនទៅ​មន្ទីរពេទ្យ​ជោ​រី ប៉ុន្តែ​ដោយ​ចរាចរណ៍​ផ្លូវ​ទៅកាន់​ទីនោះ​ស្ទះ​ខ្លាំង ក៏​សម្រេច​នាំ មក​មន្ទីរពេទ្យ​សែន​សុខ​វិញ​។ ទៅដល់​ទីនោះ​ភ្លាមៗ​គ្រូ​ទេ​ព្យ​ពិនិត្យឃើញថា បណ្តាលមកពី​ដុំ​គីស​នៅ​ឆ្អឹងខ្នង នឹងត្រូវ​ធ្វើការ​វះកាត់​ជាបន្ទាន់​»​។​

    ​ប៉ុន្តែ នាយ ក្រឹម អះអាងថា ពេលនេះ​វិធី​វះកាត់​នោះ មិន​ត្រូវបាន​អនុវត្ត​នោះទេ ដោយ​លោក​ប្រាប់ថា​៖ «​ក្រោយ​សម្រាក​ព្យាបាល​នៅ​មន្ទីរពេទ្យ​សែន​សុខ​ពីរ​ថ្ងៃ ក៏​បញ្ជូនទៅ​មន្ទីរពេទ្យ​ប្រទេស​ថៃ​។ ទៅដល់​ទីនោះ​ពេទ្យ​គេ​ប្រើ​វិធី​ផ្សេង គេ​ចោះ​ឆ្អឹងខ្នង​បូម​ដុំ​គីស​ពី​ឆ្អឹងខ្នង​នោះ ប៉ុន្តែ​គ្រាន់តែ​ស្ថិតនៅក្នុង​ការតាមដាន ខណៈដែល​ពេលនេះ​គ្រូពេទ្យ​ក៏​យក​ដុំ​គីស​នោះ​ទៅ​ពិសោធ តែ​នៅ​មិនទាន់​ដឹង​លទ្ធផល​»​។​

    ​យ៉ាងណាមិញ តារា​កំប្លែង​នាយ​ក្រឹម ក៏បាន​សម្ដែង​ក្ដីកង្វល់​អំពល់​ចិត្ត​ផងដែរ​ថា​៖ «​ប៉ុន្តែ​ពេលនេះ​បែរជា​បារម្ភ​ដែល​ពេទ្យ​ថា មេរោគ​ពី​ដុំ​គីស​នោះ វា​ឆ្លង​ចូលមក​ក្រពះ​ពោះវៀន និង​ធ្វើទុក្ខ​ខ្លាំង​ដល់​អ្នកជំងឺ​»​។​

    ​តារា​កំប្លែង​ចាស់វស្សា​រូបនេះ​ក៏បាន​ពោល​ពាក្យ​ថ្ងូរ​ដែរ​ថា​៖ «​ដំណាក់កាល​នេះ​ក៏​ចំណាយ​ចូល​ក្បែរ​ខ្ទង់​ម៉ឺន​ដុល្លារ​ដែរ​ហើយ ហើយ​ពេលនេះ​ស្ថានភាព​ជំងឺ​ក៏​មិនទាន់​ជា​ប្រសើរ ដែរ ត្បិតតែ​ដុំ​គីស​ត្រូវ​បូម​ចេញ ក៏​ត្រូវការ​ពេលវេលា​ដើម្បី​ព្យាបាល​យូរ​ទៀត និង​ត្រូវ​ចំណាយ​បន្ថែម មិន​ក្រោម​ខ្ទង់​ម៉ឺន​ដុល្លារ​នោះដែរ​»​។​

    ​លោក​បន្តថា​៖ «​តែ​យ៉ាងណា​អស់​ប៉ុន្មាន​ក៏​មិន​រា​ដែរ សំខាន់​ឲ្យ​តែ​កូន​ជា​»៕
    (all readers's comments can help improve the information, as well as better social)