បន្ទាប់ពីមរណភាពលោក សុខ អាន កាលពីថ្ងៃពុធម្សិលមិញ បក្សប្រឆាំង និងអ្នកប្រើប្រាស់បណ្តាញសង្គមហ្វែសប៊ុកជាច្រើន បានបង្ហាញប្រតិកម្មខ្វែងយោបល់គ្នា ជុំវិញទំហំថវិកា ដែល រាជរដ្ឋាភិបាល គ្រោងចំណាយប្រមាណ ៣០០០.០០០.០០០ រៀល (បីប៊ីលានរៀលគត់) ឬស្មើនឹង ៧៥០០០០ ដុល្លារអាមេរិក ដើម្បីរៀបចំពិធីបុណ្យសពជូន លោក សុខ អាន។ សម្រាប់មន្ត្រីបក្សប្រឆាំង ការចំណាយថវិកាជាតិសម្រាប់រៀបចំបុណ្យសពនេះ ហាក់ធំធេងពេក បើធៀបនឹងស្ថានភាពកម្ពុជាក្រីក្រដើរខ្ចីបំណុលបរទេស តែសម្រាប់រាជរដ្ឋាភិបាល ត្រឹមតួលេខថវិកា មិនអាចទូទាត់ជាមួយនឹងសមិទ្ធិផលការងាររបស់ លោក សុខ អាន រួមចំណែកក្នុងការអភិវឌ្ឍជាតិកម្ពុជា ឡើយ ហើយការចំណាយរៀបចំពិធីបុណ្យសពតាមទំនៀមទំលាប់ប្រពៃណីនេះ គឺស័ក្តិសមនឹងគោរមងា ជា «សម្តេច» ។
ប្រតិកម្មនេះ ផ្តើមពីការផ្សព្វផ្សាយលើបណ្តាញសង្គមហ្វេសប៊ុក នូវលិខិតរដ្ឋបាលមួយ របស់ ទីស្តីការគណៈរដ្ឋមន្ត្រី កាលពីថ្ងៃទី១៥ មីនា ដែលបានស្នើសុំថវិកា ពី ក្រសួងសេដ្ឋកិច្ច និងហិរញ្ញវត្ថុ ចំនួន ៣០០០.០០០.០០០ រៀល (បីប៊ីលានរៀល) ឬ ៧៥០០០០ ដុល្លារសហរដ្ឋអាមេរិក សម្រាប់ចំណាយរៀបចំបុណ្យសព «សម្តេចវិបុលបញ្ញា សុខ អាន» អតីតឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី។
នៅថ្ងៃដដែល រាជរដ្ឋាភិបាលកម្ពុជា សម្រេចបង្កើតគណៈកម្មការ និងអនុគណៈកម្មការរៀបចំបុណ្យសព មួយ ដោយមាន លោក ប៊ិន ឈិន ឧបនាយករដ្ឋមន្ត្រីប្រចាំការ ធ្វើជាប្រធាន។ ភារកិច្ចសំខាន់ របស់ គណៈកម្មការ មានជាអាទិ៍ រៀបចំផ្សព្វផ្សាយកម្មវិធីបុណ្យ លិខិតពិធីការ កន្លែងគោរពវិញ្ញាណក្ខន្ធនៅគេហដ្ឋានសព ក្រុមបដិសណ្ឋារកិច្ចនៃអង្គភាពត្រៃទ័ព ពិធីសាសនា ពិធីដង្ហែសព រៀបចំមេរុ និងវេទិកាឈានបដ្ឋាន ជាដើម។
ក្រៅពី មានប្រតិកម្មគាំទ្រ និងជំទាស់ ខ្វែងយោបល់គ្នា រវាងអ្នកប្រើប្រាស់បណ្តាញសង្គមហ្វេសប៊ុក បក្សប្រឆាំង និងរាជរដ្ឋាភិបាលកម្ពុជា ក៏មិនយល់ស្របគ្នាចំពោះទំហំចំណាយរៀបចំបុណ្យសពលោក សុខ អាន ជាង ៧សែនដុល្លារអាមេរិកនេះដែរ។
អនុប្រធានគណបក្សសង្គ្រោះជាតិ លោក អេង ឆៃអ៊ាង យល់ថា ក្នុងស្ថានភាពដែលពលរដ្ឋខ្មែរកំពុងក្រខ្សត់ ប្រទេសជាតិដើរខ្ចីលុយបរទេស ការចំណាយរៀបចំបុណ្យសពនេះ ហាក់ដូចជា ធំធេងពេក។ ធំធេង បើធៀបនឹង តំណែងអ្នកតំណាងរាស្ត្រ នៅពេលទទួលមរណភាព នោះ រដ្ឋមានបន្ទុកចំណាយរៀបចំបុណ្យសព ត្រឹម មួយម៉ឺនដុល្លារ ប៉ុណ្ណោះ។ ក្នុងកាលៈទេសៈនេះ លោក អេង ឆៃអ៊ាង ផ្តល់យោបល់ថា រដ្ឋមិនគួរខ្ជះខ្ជាយថវិកាជាតិច្រើនពេកទេ ប៉ុន្តែបើចង់ចំណាយច្រើន គួរតែជាការចំណាយថវិកាផ្ទាល់ខ្លួនវិញ។
អ្នកនាំពាក្យរាជរដ្ឋាភិបាលកម្ពុជា លោក ផៃ ស៊ីផាន បានប្រតិកម្មតបថា តួលេខចំណាយនេះ មិនអាចគណនាទូទាត់នឹងសមិទ្ធិផល ដែលលោក សុខ អាន បានបន្យល់ទុកសម្រាប់ ប្រទេសកម្ពុជាឡើយ។ លោក សុខ អាន មានគុណវឌ្ឍិសំខាន់ៗជាច្រើន រាប់ចាប់ពី ការចូលរួមបង្កើត គណៈកម្មាធិការកសាងសន្តិភាព នាទសវត្សទី៨០ ការចចារជាមួយអន្តរជាតិក្នុងការរៀបចំសាលាក្តីខ្មែរក្រហម ការអភិរក្ស និងអភិវឌ្ឍអង្គរ ព្រមទាំងការដាក់ប្រាសាទព្រះវិហារ ចូលក្នុងបញ្ជីបេតិកភ័ណ្ឌពិភពលោក ជាដើម។ លោក ផៃ ស៊ីផាន បន្ថែមថា តួលេខនេះ មិនខ្ជះខ្ជាយពេកទេ ព្រោះរួមបញ្ចូលការចំណាយថ្លៃយន្តហោះដឹកសព មាតុភូមិនិវត្តន៍ពីប្រទេសចិន មកកម្ពុជាវិញ និងការរៀបចំពិធី ឲ្យបានសមរម្យ តាមទំនៀមទម្លាប់ប្រពៃណី ស័ក្តិសមនឹងកិត្តិយសរបស់សព។
លោក ផៃ ស៊ីផាន បញ្ជាក់ថា ការប្រកាសខ្ទង់ចំណាយនេះ គឺជាចេតនាបង្ហាញតម្លាភាព របស់ គណៈរដ្ឋមន្ត្រី ហើយក៏ជាកម្រិតស្តង់ដាមួយ ដែល រាជរដ្ឋាភិបាលធ្លាប់ចំណាយរៀបចំបុណ្យសពកន្លងមក សម្រាប់ គោរមងារ ជា «សម្តេច»។
គួររំលឹកថា ព្រះមហាក្សត្រ នរោត្តម សីហមុនី បានប្រោសព្រះរាជទានគោរមងារ ឯកឧត្តម សុខ អាន ជា «សម្តេចវិបុលបញ្ញា សុខ អាន» នៅថ្ងៃទី១៣ មីនា ។ ពោលគឺ ត្រឹមតែ ពីរថ្ងៃប៉ុណ្ណោះ មុនពេល រាជរដ្ឋាភិបាលកម្ពុជា ប្រកាសជូនដំណឹងជាសាធារណៈ ថា លោក សុខ អាន បានទទួលមរណភាព នៅថ្ងៃទី១៥ មីនា វេលាម៉ោង ១៨:៣២នាទី នៅមន្ទីរពេទ្យទីក្រុងប៉េកាំង ប្រទេសចិន ដោយរោគាពាធ ក្នុងជន្មាយុ ៦៦ឆ្នាំ។ សពលោក សុខ អាន នឹងត្រូវរម្កិលចេញពីភូមិគ្រឹះ ក្នុងសង្កាត់បឹងរាំង ខណ្ឌដូនពេញ ឆ្ពោះទៅកាន់ ទីឈាបនដ្ឋានមុខវត្តបទុមវតី ដើម្បីបូជា នៅថ្ងៃអាទិត្យ ទី១៩ មីនា ខាងមុខ។ រាជរដ្ឋាភិបាលកម្ពុជា នៅថ្ងៃទី១៦ មីនា បានសម្រេច ប្រគល់ភារកិច្ច បន្ថែមជូនលោក ប៊ិន ឈិន ឧបនាយករដ្ឋមន្ត្រី ទទួលបន្ទុកប្រចាំការ ធ្វើជា រដ្ឋមន្ត្រីស្តីទីទទួលបន្ទុកទីស្តីការគណៈរដ្ឋមន្ត្រី ជំនួសលោក សុខ អាន ដែលបានទទួលមរណភាព៕
ប្រតិកម្មនេះ ផ្តើមពីការផ្សព្វផ្សាយលើបណ្តាញសង្គមហ្វេសប៊ុក នូវលិខិតរដ្ឋបាលមួយ របស់ ទីស្តីការគណៈរដ្ឋមន្ត្រី កាលពីថ្ងៃទី១៥ មីនា ដែលបានស្នើសុំថវិកា ពី ក្រសួងសេដ្ឋកិច្ច និងហិរញ្ញវត្ថុ ចំនួន ៣០០០.០០០.០០០ រៀល (បីប៊ីលានរៀល) ឬ ៧៥០០០០ ដុល្លារសហរដ្ឋអាមេរិក សម្រាប់ចំណាយរៀបចំបុណ្យសព «សម្តេចវិបុលបញ្ញា សុខ អាន» អតីតឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី។
នៅថ្ងៃដដែល រាជរដ្ឋាភិបាលកម្ពុជា សម្រេចបង្កើតគណៈកម្មការ និងអនុគណៈកម្មការរៀបចំបុណ្យសព មួយ ដោយមាន លោក ប៊ិន ឈិន ឧបនាយករដ្ឋមន្ត្រីប្រចាំការ ធ្វើជាប្រធាន។ ភារកិច្ចសំខាន់ របស់ គណៈកម្មការ មានជាអាទិ៍ រៀបចំផ្សព្វផ្សាយកម្មវិធីបុណ្យ លិខិតពិធីការ កន្លែងគោរពវិញ្ញាណក្ខន្ធនៅគេហដ្ឋានសព ក្រុមបដិសណ្ឋារកិច្ចនៃអង្គភាពត្រៃទ័ព ពិធីសាសនា ពិធីដង្ហែសព រៀបចំមេរុ និងវេទិកាឈានបដ្ឋាន ជាដើម។
ក្រៅពី មានប្រតិកម្មគាំទ្រ និងជំទាស់ ខ្វែងយោបល់គ្នា រវាងអ្នកប្រើប្រាស់បណ្តាញសង្គមហ្វេសប៊ុក បក្សប្រឆាំង និងរាជរដ្ឋាភិបាលកម្ពុជា ក៏មិនយល់ស្របគ្នាចំពោះទំហំចំណាយរៀបចំបុណ្យសពលោក សុខ អាន ជាង ៧សែនដុល្លារអាមេរិកនេះដែរ។
អនុប្រធានគណបក្សសង្គ្រោះជាតិ លោក អេង ឆៃអ៊ាង យល់ថា ក្នុងស្ថានភាពដែលពលរដ្ឋខ្មែរកំពុងក្រខ្សត់ ប្រទេសជាតិដើរខ្ចីលុយបរទេស ការចំណាយរៀបចំបុណ្យសពនេះ ហាក់ដូចជា ធំធេងពេក។ ធំធេង បើធៀបនឹង តំណែងអ្នកតំណាងរាស្ត្រ នៅពេលទទួលមរណភាព នោះ រដ្ឋមានបន្ទុកចំណាយរៀបចំបុណ្យសព ត្រឹម មួយម៉ឺនដុល្លារ ប៉ុណ្ណោះ។ ក្នុងកាលៈទេសៈនេះ លោក អេង ឆៃអ៊ាង ផ្តល់យោបល់ថា រដ្ឋមិនគួរខ្ជះខ្ជាយថវិកាជាតិច្រើនពេកទេ ប៉ុន្តែបើចង់ចំណាយច្រើន គួរតែជាការចំណាយថវិកាផ្ទាល់ខ្លួនវិញ។
អ្នកនាំពាក្យរាជរដ្ឋាភិបាលកម្ពុជា លោក ផៃ ស៊ីផាន បានប្រតិកម្មតបថា តួលេខចំណាយនេះ មិនអាចគណនាទូទាត់នឹងសមិទ្ធិផល ដែលលោក សុខ អាន បានបន្យល់ទុកសម្រាប់ ប្រទេសកម្ពុជាឡើយ។ លោក សុខ អាន មានគុណវឌ្ឍិសំខាន់ៗជាច្រើន រាប់ចាប់ពី ការចូលរួមបង្កើត គណៈកម្មាធិការកសាងសន្តិភាព នាទសវត្សទី៨០ ការចចារជាមួយអន្តរជាតិក្នុងការរៀបចំសាលាក្តីខ្មែរក្រហម ការអភិរក្ស និងអភិវឌ្ឍអង្គរ ព្រមទាំងការដាក់ប្រាសាទព្រះវិហារ ចូលក្នុងបញ្ជីបេតិកភ័ណ្ឌពិភពលោក ជាដើម។ លោក ផៃ ស៊ីផាន បន្ថែមថា តួលេខនេះ មិនខ្ជះខ្ជាយពេកទេ ព្រោះរួមបញ្ចូលការចំណាយថ្លៃយន្តហោះដឹកសព មាតុភូមិនិវត្តន៍ពីប្រទេសចិន មកកម្ពុជាវិញ និងការរៀបចំពិធី ឲ្យបានសមរម្យ តាមទំនៀមទម្លាប់ប្រពៃណី ស័ក្តិសមនឹងកិត្តិយសរបស់សព។
លោក ផៃ ស៊ីផាន បញ្ជាក់ថា ការប្រកាសខ្ទង់ចំណាយនេះ គឺជាចេតនាបង្ហាញតម្លាភាព របស់ គណៈរដ្ឋមន្ត្រី ហើយក៏ជាកម្រិតស្តង់ដាមួយ ដែល រាជរដ្ឋាភិបាលធ្លាប់ចំណាយរៀបចំបុណ្យសពកន្លងមក សម្រាប់ គោរមងារ ជា «សម្តេច»។
គួររំលឹកថា ព្រះមហាក្សត្រ នរោត្តម សីហមុនី បានប្រោសព្រះរាជទានគោរមងារ ឯកឧត្តម សុខ អាន ជា «សម្តេចវិបុលបញ្ញា សុខ អាន» នៅថ្ងៃទី១៣ មីនា ។ ពោលគឺ ត្រឹមតែ ពីរថ្ងៃប៉ុណ្ណោះ មុនពេល រាជរដ្ឋាភិបាលកម្ពុជា ប្រកាសជូនដំណឹងជាសាធារណៈ ថា លោក សុខ អាន បានទទួលមរណភាព នៅថ្ងៃទី១៥ មីនា វេលាម៉ោង ១៨:៣២នាទី នៅមន្ទីរពេទ្យទីក្រុងប៉េកាំង ប្រទេសចិន ដោយរោគាពាធ ក្នុងជន្មាយុ ៦៦ឆ្នាំ។ សពលោក សុខ អាន នឹងត្រូវរម្កិលចេញពីភូមិគ្រឹះ ក្នុងសង្កាត់បឹងរាំង ខណ្ឌដូនពេញ ឆ្ពោះទៅកាន់ ទីឈាបនដ្ឋានមុខវត្តបទុមវតី ដើម្បីបូជា នៅថ្ងៃអាទិត្យ ទី១៩ មីនា ខាងមុខ។ រាជរដ្ឋាភិបាលកម្ពុជា នៅថ្ងៃទី១៦ មីនា បានសម្រេច ប្រគល់ភារកិច្ច បន្ថែមជូនលោក ប៊ិន ឈិន ឧបនាយករដ្ឋមន្ត្រី ទទួលបន្ទុកប្រចាំការ ធ្វើជា រដ្ឋមន្ត្រីស្តីទីទទួលបន្ទុកទីស្តីការគណៈរដ្ឋមន្ត្រី ជំនួសលោក សុខ អាន ដែលបានទទួលមរណភាព៕
(all readers's comments can help improve the information, as well as better social)
