ភ្នំពេញៈ អ្នកនាំពាក្យក្រសួងមហាផ្ទៃបានថ្លែងបែបចំអកថាគណបក្សប្រឆាំងមិនមានវាសនាបានដឹកនាំប្រទេសនោះទេបើទោះបីជា ៥០ ឆ្នាំទៅមុខទៀតក្តី ដែលនេះគឺជាការឆ្លើយតបទៅនឹងពាក្យស្លោករបស់បក្សប្រឆាំងដែលថា «ដូរមេឃុំបម្រើបក្ស ដាក់មេឃុំបម្រើរាស្ត្រ»។
នៅពេលទាក់ទងពីម្សិលមិញអ្នកនាំពាក្យក្រសួងមហាផ្ទៃ លោក ខៀវ សុភ័គ មិនបានប្រាប់កាសែតភ្នំពេញប៉ុស្តិ៍ឲ្យបានលម្អិតអំពីវិធានការផ្លូវច្បាប់ដើម្បីប្រឆាំងទៅនឹងគណបក្សសង្គ្រោះជាតិដែលបានប្រើពាក្យស្លោកខាងលើនោះទេ ប៉ុន្តែលោកបានថ្លែងបែបចំអកទៅគណបក្សសង្គ្រោះជាតិថាកុំឲ្យសង្ឃឹមក្នុងការដឹកនាំប្រទេសដោយ លោកថា គណបក្សនេះមិនមានសមត្ថភាពក្នុងការគ្រប់គ្រងប្រទេសទេ។
ទោះបីជាភ្នំពេញប៉ុស្តិ៍បានព្យាយាមលើកជាសំណួរម្តងហើយម្តងទៀតអំពីថាតើក្រសួង មហាផ្ទៃ នឹងចាត់វិធានការរបៀបណា ដើម្បីប្រឆាំងទៅនឹងពាក្យស្លោករបស់ គណបក្សសង្គ្រោះជាតិ ខណៈពេលដែលគណបក្សប្រជាជនកម្ពុជាកំពុងរង់ចាំលទ្ធផលពីវិធានការផ្លូវច្បាប់នោះលោក សុភ័គ នៅតែបញ្ជាក់ជាថ្មីថាគណបក្សសង្គ្រោះជាតិមិនមានវាសនាគ្រប់គ្រងប្រទេសទេ បើទោះបីជា ៥០ ឆ្នាំទៀតក្តី។
លោកថ្លែងថា៖ «ក្រសួងកំពុងពិនិត្យមើល។ ពាក្យរបស់គណបក្សសង្គ្រោះជាតិគឺជាពាក្យដែលមានបំណងផ្តួលរំលំ [រដ្ឋាភិបាល]។
ទោះបីជាយ៉ាងណា គ្មានពេលវេលាសម្រាប់គណបក្សសង្គ្រោះជាតិអាចដឹកនាំកម្ពុជាបានទេ»។
ប៉ុន្តែលោក ខៀវ សុភ័គ មិនបានពន្យល់ឲ្យបានជាក់លាក់ ថាតើហេតុអ្វីបានជាគណបក្សសង្គ្រោះជាតិ មិនមានឱកាសក្នុងការដឹកនាំប្រទេសនោះទេ ដោយលោកគ្រាន់តែថ្លែងថាគណបក្សសង្គ្រោះជាតិមិនមានសមត្ថភាពក្នុងការដឹកនាំប្រទេសកម្ពុជានោះទេ។
ឆ្លើយតបទៅនឹងវិធានការចំពោះសមាជវិសាមញ្ញរបស់គណបក្សសង្គ្រោះជាតិដែលលោក ស ខេង សង្ស័យថាជាសមាជខុសច្បាប់លោក ខៀវ សុភ័គ គឺនៅតែអះអាងដូចទៅនឹងការព្រមានខាងលើដែរ។
សមាជវិសាមញ្ញរបស់គណបក្សសង្គ្រោះជាតិត្រូវបានប្រារព្ធធ្វើឡើងកាលពីថ្ងៃទី ២ ខែមីនាដោយបានជ្រើសរើសលោក កឹម សុខា ធ្វើជាប្រធានគណបក្សសង្គ្រោះជាតិ និងបានជ្រើសរើសអនុប្រធានចំនួនបីរូបបន្ថែមទៀត។
ទោះជាយ៉ាងណាអ្នកនាំពាក្យគណបក្សសង្គ្រោះជាតិលោក យឹម សុវណ្ណ បានថ្លែងថាគណបក្សសង្គ្រោះជាតិមិនចាប់អារម្មណ៍ទៅនឹងការថ្លែងបែបចំអករបស់លោក ខៀវ សុភ័គនោះទេដោយលោកបញ្ជាក់ថានេះគឺគ្រាន់តែជាគំនិតរបស់លោក សុភ័គ តែប៉ុណ្ណោះ។
លោក សុវណ្ណ បន្តថា៖ «ប្រសិនបើប្រជាពលរដ្ឋបោះឆ្នោតឱ្យគណបក្សណាមួយដើម្បីកាន់អំណាចគណបក្សនោះគឺជាគណបក្សដែលដឹកនាំប្រទេស។ ដូច្នេះ ហើយយើងមិនចាប់អារម្មណ៍ទៅនឹងអ្វីដែលគាត់បាននិយាយនោះទេ ប៉ុន្តែយើងចង់ដឹងអំពីការបោះឆ្នោតដោយសេរី និងយុត្តិធម៌ដែលប្រជាពលរដ្ឋអាចបញ្ចេញឆន្ទៈរបស់ពួកគាត់បាននៅក្នុងគ្រប់ការបោះឆ្នោតនីមួយៗ»។
ឆ្លើយតបទៅនឹងការលើកឡើងរបស់លោក ស ខេង ដែលសង្ស័យថាសមាជវិសាមញ្ញរបស់គណបក្សសង្គ្រោះជាតិជាសមាជខុសច្បាប់លោក សុវណ្ណ មិនបានអត្ថាធិប្បាយលម្អិតនោះទេដោយលោកគ្រាន់តែបញ្ជាក់ថាសមាជរបស់គណបក្សសង្គ្រោះជាតិគឺមិនខុសច្បាប់នោះទេហើយអនុប្រធានគណបក្សសង្គ្រោះជាតិលោក អេង ឆៃអ៊ាង លោកបានពន្យល់រួចហើយ។
អ្នកវិភាគនយោបាយលោក មាស នី ថ្លែងថាផ្អែកទៅលើអាសនៈរបស់គណបក្សសង្គ្រោះជាតិដែលបានកើនឡើងច្រើនស្ទើរតែស្មើអាសនៈរបស់គណបក្សប្រជាជននៅក្នុងសភាទៅហើយនោះលោក សុភ័គ មិនអាចវាយតម្លៃពីឱកាសរបស់គណបក្សសង្គ្រោះជាតិក្នុងការដឹកនាំប្រទេសបាននោះទេ។ «ប្រសិនបើ [យើង] និយាយថាគ្មាននរណាម្នាក់អាច [ដឹកនាំប្រទេស] បានក្រៅតែពីខ្លួនយើងតែម្នាក់ដែលអាចដឹកនាំប្រទេសបាននេះមានន័យថាយើងហាក់ដូចជាមិនទទួលស្គាល់សមត្ថភាពរបស់យុវជនខ្មែរជំនាន់ក្រោយនោះទេ»៕
នៅពេលទាក់ទងពីម្សិលមិញអ្នកនាំពាក្យក្រសួងមហាផ្ទៃ លោក ខៀវ សុភ័គ មិនបានប្រាប់កាសែតភ្នំពេញប៉ុស្តិ៍ឲ្យបានលម្អិតអំពីវិធានការផ្លូវច្បាប់ដើម្បីប្រឆាំងទៅនឹងគណបក្សសង្គ្រោះជាតិដែលបានប្រើពាក្យស្លោកខាងលើនោះទេ ប៉ុន្តែលោកបានថ្លែងបែបចំអកទៅគណបក្សសង្គ្រោះជាតិថាកុំឲ្យសង្ឃឹមក្នុងការដឹកនាំប្រទេសដោយ លោកថា គណបក្សនេះមិនមានសមត្ថភាពក្នុងការគ្រប់គ្រងប្រទេសទេ។
ទោះបីជាភ្នំពេញប៉ុស្តិ៍បានព្យាយាមលើកជាសំណួរម្តងហើយម្តងទៀតអំពីថាតើក្រសួង មហាផ្ទៃ នឹងចាត់វិធានការរបៀបណា ដើម្បីប្រឆាំងទៅនឹងពាក្យស្លោករបស់ គណបក្សសង្គ្រោះជាតិ ខណៈពេលដែលគណបក្សប្រជាជនកម្ពុជាកំពុងរង់ចាំលទ្ធផលពីវិធានការផ្លូវច្បាប់នោះលោក សុភ័គ នៅតែបញ្ជាក់ជាថ្មីថាគណបក្សសង្គ្រោះជាតិមិនមានវាសនាគ្រប់គ្រងប្រទេសទេ បើទោះបីជា ៥០ ឆ្នាំទៀតក្តី។
លោកថ្លែងថា៖ «ក្រសួងកំពុងពិនិត្យមើល។ ពាក្យរបស់គណបក្សសង្គ្រោះជាតិគឺជាពាក្យដែលមានបំណងផ្តួលរំលំ [រដ្ឋាភិបាល]។
ទោះបីជាយ៉ាងណា គ្មានពេលវេលាសម្រាប់គណបក្សសង្គ្រោះជាតិអាចដឹកនាំកម្ពុជាបានទេ»។
ប៉ុន្តែលោក ខៀវ សុភ័គ មិនបានពន្យល់ឲ្យបានជាក់លាក់ ថាតើហេតុអ្វីបានជាគណបក្សសង្គ្រោះជាតិ មិនមានឱកាសក្នុងការដឹកនាំប្រទេសនោះទេ ដោយលោកគ្រាន់តែថ្លែងថាគណបក្សសង្គ្រោះជាតិមិនមានសមត្ថភាពក្នុងការដឹកនាំប្រទេសកម្ពុជានោះទេ។
ឆ្លើយតបទៅនឹងវិធានការចំពោះសមាជវិសាមញ្ញរបស់គណបក្សសង្គ្រោះជាតិដែលលោក ស ខេង សង្ស័យថាជាសមាជខុសច្បាប់លោក ខៀវ សុភ័គ គឺនៅតែអះអាងដូចទៅនឹងការព្រមានខាងលើដែរ។
សមាជវិសាមញ្ញរបស់គណបក្សសង្គ្រោះជាតិត្រូវបានប្រារព្ធធ្វើឡើងកាលពីថ្ងៃទី ២ ខែមីនាដោយបានជ្រើសរើសលោក កឹម សុខា ធ្វើជាប្រធានគណបក្សសង្គ្រោះជាតិ និងបានជ្រើសរើសអនុប្រធានចំនួនបីរូបបន្ថែមទៀត។
ទោះជាយ៉ាងណាអ្នកនាំពាក្យគណបក្សសង្គ្រោះជាតិលោក យឹម សុវណ្ណ បានថ្លែងថាគណបក្សសង្គ្រោះជាតិមិនចាប់អារម្មណ៍ទៅនឹងការថ្លែងបែបចំអករបស់លោក ខៀវ សុភ័គនោះទេដោយលោកបញ្ជាក់ថានេះគឺគ្រាន់តែជាគំនិតរបស់លោក សុភ័គ តែប៉ុណ្ណោះ។
លោក សុវណ្ណ បន្តថា៖ «ប្រសិនបើប្រជាពលរដ្ឋបោះឆ្នោតឱ្យគណបក្សណាមួយដើម្បីកាន់អំណាចគណបក្សនោះគឺជាគណបក្សដែលដឹកនាំប្រទេស។ ដូច្នេះ ហើយយើងមិនចាប់អារម្មណ៍ទៅនឹងអ្វីដែលគាត់បាននិយាយនោះទេ ប៉ុន្តែយើងចង់ដឹងអំពីការបោះឆ្នោតដោយសេរី និងយុត្តិធម៌ដែលប្រជាពលរដ្ឋអាចបញ្ចេញឆន្ទៈរបស់ពួកគាត់បាននៅក្នុងគ្រប់ការបោះឆ្នោតនីមួយៗ»។
ឆ្លើយតបទៅនឹងការលើកឡើងរបស់លោក ស ខេង ដែលសង្ស័យថាសមាជវិសាមញ្ញរបស់គណបក្សសង្គ្រោះជាតិជាសមាជខុសច្បាប់លោក សុវណ្ណ មិនបានអត្ថាធិប្បាយលម្អិតនោះទេដោយលោកគ្រាន់តែបញ្ជាក់ថាសមាជរបស់គណបក្សសង្គ្រោះជាតិគឺមិនខុសច្បាប់នោះទេហើយអនុប្រធានគណបក្សសង្គ្រោះជាតិលោក អេង ឆៃអ៊ាង លោកបានពន្យល់រួចហើយ។
អ្នកវិភាគនយោបាយលោក មាស នី ថ្លែងថាផ្អែកទៅលើអាសនៈរបស់គណបក្សសង្គ្រោះជាតិដែលបានកើនឡើងច្រើនស្ទើរតែស្មើអាសនៈរបស់គណបក្សប្រជាជននៅក្នុងសភាទៅហើយនោះលោក សុភ័គ មិនអាចវាយតម្លៃពីឱកាសរបស់គណបក្សសង្គ្រោះជាតិក្នុងការដឹកនាំប្រទេសបាននោះទេ។ «ប្រសិនបើ [យើង] និយាយថាគ្មាននរណាម្នាក់អាច [ដឹកនាំប្រទេស] បានក្រៅតែពីខ្លួនយើងតែម្នាក់ដែលអាចដឹកនាំប្រទេសបាននេះមានន័យថាយើងហាក់ដូចជាមិនទទួលស្គាល់សមត្ថភាពរបស់យុវជនខ្មែរជំនាន់ក្រោយនោះទេ»៕
(all readers's comments can help improve the information, as well as better social)
