Posted Thursday, July 13, 2017 | ដោយ៖ ក្មេងតូច | Posted in  Nation , Social News | Read 3656


រាជធានី​ភ្នំពេញ ៖ បុរស​ម្នាក់​មាន​ប្រពន្ធ និង​កូនប្រុស​ហើយ​លួច​មាន​សង្សារ​ម្នាក់​ទៀត​មិន​អស់ចិត្ត​បាន​លួងលោម​រំលោភ​សេពសន្ថវៈ​ក្មេង​ស្រី​អាយុ​១៧​ឆ្នាំ​តែ​មិន​បាន​សម្រេច​ត្រូវ​បាន​គេ​ប្តឹង​សមត្ថកិច្ច​ឃាត់ខ្លួន​បង្ក​ឲ្យ​មានការ​ផ្អើល​ឆោឡោ​កាលពី​វេលា​ម៉ោង​៦​ល្ញា​ច​ថ្ងៃ​ទី​១១ ខែកក្កដា ឆ្នាំ​២០១៧ ស្ថិត​នៅ​បន្ទប់​ជួល​លេខ​៦៤ ភូមិ​ព្រៃ​ព្រីង​ជើង សង្កាត់​ចោម​ចៅ ខណ្ឌ​ពោធិ៍​សែន​ជ័យ ។

ក្មេង​ស្រី​រង​គ្រោះ​មានឈ្មោះ ស​.​ស​.​ន អាយុ​១៧​ឆ្នាំ មុខរបរ​សិស្ស ទើបតែ​មក​ស្នាក់​នៅ​បន្ទប់​ជួល​ក្នុងភូមិ​សង្កាត់​កើតហេតុ​ខាងលើ​បាន​២​ថ្ងៃ​ដើម្បី​រក​ការងារ​ធ្វើ មានស្រុក​កំណើត​នៅ​ស្រុក​រុក្ខ​គិរី ខេត្តបាត់ដំបង ។ ចំណែក​ជនសង្ស័យ​មានឈ្មោះ ម៉េ​ត ដែន ភេទ​ប្រុស អាយុ​២៥​ឆ្នាំ មុខរបរ​ជាងដែក ស្នាក់​នៅ​បន្ទប់​ជួល​កន្លែង​កើតហេតុ មានស្រុក​កំណើត ភូមិ​ត្រពាំង​ដង្ហិត ឃុំ​ដូន​កឹង ស្រុក​កំចាយមារ ខេត្តព្រៃវែង ។ ជនសង្ស័យ​មាន​ប្រពន្ធ និង​កូនប្រុស​ម្នាក់​នៅ​ឯ​ស្រុក​កំណើត​ហើយ​មាន​សង្សារ​ម្នាក់​ទៀត​ឈ្មោះ ស៊ូ លី​ណា អាយុ​២២​ឆ្នាំ មុខរបរ​កម្មករ​រោងចក្រ ស្នាក់​នៅ​ជាមួយ​ជនសង្ស័យ​មានស្រុក​កំណើត​ភូមិ​ស្រែ​វាល ឃុំ​ស្រែ​វាល ស្រុក​ចំការលើ ខេត្តកំពង់ចាម ។

តាម​សម្តី​ក្មេង​ស្រី​រង​គ្រោះ​បាន​ឲ្យ​ដឹង​ថា ខ្លួន​ទើបតែ​មក​ពី​ស្រុក​ស្នាក់​នៅ​បន្ទប់​ជួល​ជាមួយ​ម្តាយមីង​នៅ​កន្លែង​កើតហេតុ​បាន​២​ថ្ងៃ​មក​ហើយ​មុន​ពេល​កើតហេតុ​ជនសង្ស័យ​និយាយ​លេង​សុំ​រាប់អាន​គ្នា​ជា​អ្នក​ជិតខាង ហើយ​ជនសង្ស័យ​ចេះ​តែ​និយាយ​លេងសើច​លេប​ខា​យ​ផ្លែផ្កា​ក្នុង​ន័យ​ស្នេហា​ចំអន់​លេង លុះ​នៅ​វេលា​ម៉ោង​៤​រសៀល​ថ្ងៃ​ទី​១១ ខែកក្កដា ជនសង្ស័យ​បាន​ប្រើ​ល្បិច​ហៅ​ឲ្យ​ចូល​លេង​ក្នុង​បន្ទប់​ជួល​នៅ​ជាប់​គ្នា ខណៈ​ដែល​ស្ត្រី​សង្សារ​មិន​នៅ រួច​ទាញ​ទ្វារ​បិទ​ជិត​ចាប់ដៃ​ជាប់​ស្ទាបអង្អែល​ប្រដាប់​ភេទ​ហើយ​ផ្តួល​សម្រាត​ខោ​រំលោភ​ត្រូវ​បាន​នាង​ចាប់​ច្របាច់​ប្រដា​ច់​ភេទ​ជនសង្ស័យ​រុញ​ទៅ​ម្ខាង​ស្ទុះ​រត់​បើកទ្វារ​ចេញ​ក្រៅ​ផុត​ពី​ក្រ​ញុំ​ា​បី​សាច​តណ្ហា លុះដល់​វេលា​ម៉ោង​៦​ព្រលប់​រយៈពេល​២​ម៉ោង​ក្រោយ​កើតហេតុ​ម្តាយមីង​សាច់ញាតិ​មក​ដល់​ក៏​បាន​និយាយ​ប្រាប់​ដឹង​សព្វ​រឿង​ឃាត់ខ្លួន​ជនសង្ស័យ​ប្តឹង​ប៉ូលិស​ចាប់​ចូល​ប៉ុស្តិ៍​តែ​ម្តង ។ ចំណែក​ជនសង្ស័យ​វិញ​បាន​ឲ្យ​ដឹង​ថា ខ្លួន​មិនមែន​ចាប់បង្ខំ​រំលោភ​ទេ​នារី​ខាងលើ​ក្រោយ​ពី​និយាយ​ត្រូវរ៉ូវ​គ្នា​ប្រគល់​ខ្លួន​ឲ្យ​ស្ទាបអង្អែល​បង្កើន​អារម្មណ៍​ចំណង់​ផ្លូវភេទ​រៀងខ្លួន​រួច​បើក​យុទ្ធនាការ​រួម​ភេទ ហើយ​ខណៈ​ដែល​កំពុង​ប្រតិបត្តិការ​រួម​ភេទ​នាង​ស្រែក​ខឹង​ស្ទុះ​វឹង​រត់​ចេញ​ប្រាប់​បងប្អូន​ចោទ​ថា​ខ្លួន​ចាប់រំលោភ ។

តាម​ប្រភព​ពី​នគរបាល​វិញ​បាន​ឲ្យ​ដឹង​ថា ផ្អែក​ទៅ​តាម​បណ្តឹង​ក្មេង​ស្រី​រង​គ្រោះ​ចោទប្រកាន់​បុរស​ខាងលើ​ចាប់​ស្ទាបអង្អែល​កេរ្តិ៍ខ្មាស់ ប៉ុនប៉ង​រំលោភ ទើប​សមត្ថកិច្ច​ឃាត់ខ្លួន​សាកសួរ និងកសាង​សំណុំរឿង​បញ្ជូន​ទៅ​ផ្នែក​ជំនាញ​អធិការដ្ឋាន​ចាត់ការ​បន្ត​ទៅ​តាម​នីតិវិធី ៕
(all readers's comments can help improve the information, as well as better social)